Vörur Ivanka Trump endurmerktar

Mikið hefur verið fjallað um fatalínu Ivanka Trump seinustu misseri. Bandaríska verslunin Nordstrom hætti hægt og rólega að selja vörur Trump og fljótlega fylgdu fleiri búðir eftir. Fatnaðurinn er nú seldur undir merkinu Adrienne Vittadini í verslunum Stein Mart sem eru þekktar fyrir að selja ódýran fatnað. 

Fatnaðurinn var endurmerktur og seldur á þennan hátt án vitneskju Ivanka og fyrirtækis hennar. 

Framleiðandinn hefur nú beðið fyrirtæki Ivanka Trump afsökunar og segir að um mistök sé að ræða. Ekki eru þó allir sem trúa því, líkt og Business of Fashion greindi frá hafa fjölmargir viðskiptavinir kvartað yfir því þegar verslanir selja vörur merktar henni og hafi það haft slæm áhrif á fyrirtæki í Bandaríkjunum.