Stefán Árnason er farinn frá Selfossi og búinn að skrifa undir samning við handknattleiksdeild KA sem mun senda meistaraflokkslið til leiks í handboltanum á ný næsta vetur.
Stefán náði mjög flottum árangri með Selfoss síðustu tvö ár en var engu að síður látinn fara í lok tímabilsins. Það þótti mörgum skrýtið.
Í fréttatilkynningu KA segir að Stefán sé fyrsta ráðningin í þjálfarateymi meistaraflokksins. Stefán mun þess utan stýra afreksþjálfun hjá KA.
Stefán er uppalinn KA-maður og faðir hans, Árni Stefánsson, var á bekknum hjá KA-liðinu á blómaskeiði þess.
Stefán kominn til KA
Tengdar fréttir
Búið að slíta samstarfinu fyrir norðan | Þór spilar undir merkjum Akureyrar
Knattspyrnufélag Akureyrar og Íþróttafélagið Þór í samvinnu við Handknattleikssamband Íslands hafa komist að samkomulagi um lok á samstarfi félaganna við rekstur meistarflokks karla í handknattleik.
Víkingar fá sæti í efstu deild karla sem verður skipuð tólf liðum
Tólf lið munu spila í efstu deild karla í handbolta á næsta tímabili. Efsta deild kvenna verður áfram skipuð átta liðum.
