Tapaði 3-0 og mætti ekki í viðtöl eftir leik

Úlfur Blandon, þjálfari kvennaliðs Vals í fótbolta, mætti ekki í viðtöl eftir 3-0 tap liðsins fyrir Breiðabliki í gærkvöldi.

Valskonur, sem var spáð Íslandsmeistaratitlinum, hafa farið illa af stað og hafa tapað tveimur af fyrstu leikjum sínum í Pepsi-deildinni.

Úlfar var greinilega ekki sáttur eftir leik og var á mikilli hraðferð. Svo mikilli að hann gaf sér ekki tíma til að ræða við fjölmiðla.

Hrafnhildur Hauksdóttir, vinstri bakvörður Vals, mætti í viðtöl fyrir hönd liðsins.

Næsti leikur Vals er gegn Stjörnunni á þriðjudaginn.