Ritstjóri Kjarnans sakar Davíð Oddsson um atvinnuróg Kjartan Kjartansson skrifar 20. maí 2017 21:18 Davíð Oddsson er annar ritstjóra Morgunblaðsins. Kjarninn er vændur um tengsl við kröfuhafa í naflausu Reykjavíkurbréfi blaðsins. Vísir/Anton Brink Þórður Snær Júlíusson, ritstjóri vefmiðilsins Kjarnans, íhugar að leita réttar síns vegna aðdróttana um meint tengsl miðilsins við kröfuhafa föllnu bankanna sem birtust í nafnlausu Reykjavíkurbréfi Morgunblaðsins um helgina. Hann kallar ásakanir Morgunblaðsins „atvinnuróg“. Höfundur Reykjavíkurbréfsins sem birtist í sunnudagsblaði Morgunblaðsins í dag fer háðulegum orðum um Kjarnann. Þar er Kjarninn meðal annars sagður „vefsíða sem fáir sjá“. Reykjavíkurbréfið er nafnlaust en Davíð Oddsson og Haraldur Johannessen eru ritstjórar blaðsins og bera ábyrgð á ritstjórnarefni þess. Það eru hins vegar gamlar aðdróttanir um meint tengsl við kröfuhafa föllnu bankanna sem Þórður Snær er sérlega ósáttur við. „Af hverju var tómið þarna ekki notað til að ræða þrálátan orðróm um tengsl Kjarnans við „kröfuhafana“ og stóreiganda sem umfram aðra virðist hafa verið með stórfé í Panama af skattalegum ástæðum?“ segir höfundur Reykjavíkubréfsins um þátt Þórðar Snæs og Þórunnar Elísabetar Bogadóttur á sjónvarpsstöðinni Hringbraut þar sem fjallað var um íslenska fjölmiðla og rekstrarumhverfi þeirra.Atvinnurógur sem hefur skaðað störf og rekstur KjarnansÞetta er ekki í fyrsta skipti sem Kjarninn er bendlaður við kröfuhafana í ritstjórnargreinum Morgunblaðsins og annars staðar, að sögn Þórðar Snæs. „Það er fullt tilefni til þess að ef að svona lagað heldur áfram að grípa til einhverra aðgerða ef menn geta ekki séð villu síns vegar sjálfir. Auðvitað er þetta ekkert annað en atvinnurógur vegna þess að þetta er náttúrulega ósatt,“ segir Þórður Snær.Þórður Snær Júlíusson, ritstjóri Kjarnans.Vísir/ValgarðurKjarninn hafi hrakið ásakanir um að fjölmiðillinn tengist kröfuhöfunum ítrekað og segir Þórður Snær að stjórnendur hans séu tilbúnir að leggja fram gögn því til stuðnings. „Það breytir því ekki að þarna er hópur áhrifamanna sem finnst allt í lagi að halda þessum ósanna atvinnurógi fram. Ef að þetta heldur áfram munum við bara skoða gaumgæfilega hvort að það sé eitthvað tilefni til að leita réttar okkar,“ segir ritstjórinn sem leggur þó áherslu á að engar ákvarðanir hafi verið teknar um það. Þórður Snær hefur þegar kært Hannes Hólmstein Gissurarson, prófessor við Háskóla Íslands, til siðanefndar háskólans en hann hefur ítrekað vænt Kjarnann um að ganga erinda kröfuhafa föllnu bankanna opinberlega undanfarin ár. „Þetta veldur okkur vandræðum vegna þess að ef eitthvað er endurtekið nógu oft þá fer fólk að trúa því. Þetta hefur bæði valdið okkur vandræðum í störfum okkar og ekki síður rekstrarlegum vandræðum,“ segir hann.Vilhjálmur Þorsteinsson sagði sig úr stjórn Kjarnans i fyrra þegar í ljós kom að hann átti félag sem var í Panamaskjölunum.VísirVísar til fyrrverandi stjórnarmanns KjarnansÍ sjónvarpsþætti Kjarnafólksins sem höfundur Reykjavíkurbréfsins gerir athugasemd við var fjallað um íslenska fjölmiðla og rekstrarumhverfi þeirra, þar á meðal afskriftir á skuldum Morgunblaðsins og upplýsingar úr ársreikningum Árvakurs og Þórsmerkur, móðurfélaga blaðsins. Sakar höfundur bréfsins Þórð Snæ og Þórunni Elísabetu ásamt öðrum um að hafa fjallað um Morgunblaðið af „yfirgripsmikilli vanþekkingu, andúð eða fjandskap“. Þá þrætir hann fyrir að núverandi eigendur blaðsins hafi fengið afskriftir. Vísun Morgunblaðsins til „stóreiganda“ Kjarnans sem hafi verið með „stórfé í Panama af skattalegum ástæðum“ beinist að Vilhjálmi Þorsteinssyni, fjárfesti og fyrrverandi stjórnarmanni Kjarnans. Hann sagði sig úr stjórn miðilsins í fyrra eftir að greint var frá því að hann hefði átt félag á Bresku Jómfrúareyjum. Nafn þess var að finna í Panamaskjölunum svonefndu. Í Facebook-færslu þar sem Þórður Snær svarar leiðarahöfundi Morgunblaðsins, sem hann telur vera Davíð Oddsson, segir hann Kjarnann hafa skrifað um mál Vilhjálms á sínum tíma. Vilhjálmur hafi gengið úr stjórn þótt ekkert ólögmætt hafi átt sér stað í ljósi þess að Kjarninn hefði verið að fjalla um Panamaskjölin og þurft að hafa nægan trúverðugleika til þess. Fjölmiðlar Mest lesið Hent nauðugri út úr hryllingshúsi vegna ógreiddrar leigu Innlent Kári segist hafa verið rekinn vegna lygasögu Innlent Ætla að hernema Gasaströndina Erlent Segir réttarríkið standa í vegi sínum Erlent Íbúar Gasa verði fluttir á brott „í þágu eigin öryggis“ Erlent Ekki sé hægt að kaupa fólk út eða rífa hús sem séu byggð samkvæmt leyfum Innlent Brosa hringinn á upphafsdegi strandveiða Innlent Páfabíll verður færanleg heilsugæsla fyrir börn á Gasa Erlent Komu naumlega í veg fyrir hryðjuverkaárás í Bretlandi Erlent Með bæði betri og fleiri vopn en síðast Erlent Fleiri fréttir Kári Stefánsson í beinni, „hryllingshús“ og trillukarlar Gekk inn á lögreglustöðina í annarlegu ástandi og var snarlega handtekinn Kári segist hafa verið rekinn vegna lygasögu Halla og Björn halda til Svíþjóðar Brosa hringinn á upphafsdegi strandveiða Strandveiðar hafnar og óvissa í kvikmyndagerð Í beinni: Málþing um snjóflóð og samfélög Hent nauðugri út úr hryllingshúsi vegna ógreiddrar leigu Skallaði mann og dónalegur við lögregluþjóna Ekki sé hægt að kaupa fólk út eða rífa hús sem séu byggð samkvæmt leyfum Allt of mikið af svipuðum íbúðum á markaði skapi misræmi Bíða með að selja íbúðir frekar en að lækka verðið Óboðlegt að vista hælisleitendur sem eigi að vísa úr landi í fangelsum Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Vakinn af „ölvunarsvefni“ inni á baði og brást ókvæða við Býður upp á sögugöngu um svæðið sem hún vill vernda Sex ára framtíðar sauðfjárbóndi á Rangárvöllum Samfylkingin bætir við sig og sauðburður á fullu Sinueldur við Landvegamót Sigldi ölvaður utan í annan bát og endaði í grjótgarði Kvartöld liðin frá jarðskjálftunum 17. júní á Suðurlandi Samfylkingin með 29 prósenta fylgi „Þetta hefur verið sorgleg þróun“ Sjá meira
Þórður Snær Júlíusson, ritstjóri vefmiðilsins Kjarnans, íhugar að leita réttar síns vegna aðdróttana um meint tengsl miðilsins við kröfuhafa föllnu bankanna sem birtust í nafnlausu Reykjavíkurbréfi Morgunblaðsins um helgina. Hann kallar ásakanir Morgunblaðsins „atvinnuróg“. Höfundur Reykjavíkurbréfsins sem birtist í sunnudagsblaði Morgunblaðsins í dag fer háðulegum orðum um Kjarnann. Þar er Kjarninn meðal annars sagður „vefsíða sem fáir sjá“. Reykjavíkurbréfið er nafnlaust en Davíð Oddsson og Haraldur Johannessen eru ritstjórar blaðsins og bera ábyrgð á ritstjórnarefni þess. Það eru hins vegar gamlar aðdróttanir um meint tengsl við kröfuhafa föllnu bankanna sem Þórður Snær er sérlega ósáttur við. „Af hverju var tómið þarna ekki notað til að ræða þrálátan orðróm um tengsl Kjarnans við „kröfuhafana“ og stóreiganda sem umfram aðra virðist hafa verið með stórfé í Panama af skattalegum ástæðum?“ segir höfundur Reykjavíkubréfsins um þátt Þórðar Snæs og Þórunnar Elísabetar Bogadóttur á sjónvarpsstöðinni Hringbraut þar sem fjallað var um íslenska fjölmiðla og rekstrarumhverfi þeirra.Atvinnurógur sem hefur skaðað störf og rekstur KjarnansÞetta er ekki í fyrsta skipti sem Kjarninn er bendlaður við kröfuhafana í ritstjórnargreinum Morgunblaðsins og annars staðar, að sögn Þórðar Snæs. „Það er fullt tilefni til þess að ef að svona lagað heldur áfram að grípa til einhverra aðgerða ef menn geta ekki séð villu síns vegar sjálfir. Auðvitað er þetta ekkert annað en atvinnurógur vegna þess að þetta er náttúrulega ósatt,“ segir Þórður Snær.Þórður Snær Júlíusson, ritstjóri Kjarnans.Vísir/ValgarðurKjarninn hafi hrakið ásakanir um að fjölmiðillinn tengist kröfuhöfunum ítrekað og segir Þórður Snær að stjórnendur hans séu tilbúnir að leggja fram gögn því til stuðnings. „Það breytir því ekki að þarna er hópur áhrifamanna sem finnst allt í lagi að halda þessum ósanna atvinnurógi fram. Ef að þetta heldur áfram munum við bara skoða gaumgæfilega hvort að það sé eitthvað tilefni til að leita réttar okkar,“ segir ritstjórinn sem leggur þó áherslu á að engar ákvarðanir hafi verið teknar um það. Þórður Snær hefur þegar kært Hannes Hólmstein Gissurarson, prófessor við Háskóla Íslands, til siðanefndar háskólans en hann hefur ítrekað vænt Kjarnann um að ganga erinda kröfuhafa föllnu bankanna opinberlega undanfarin ár. „Þetta veldur okkur vandræðum vegna þess að ef eitthvað er endurtekið nógu oft þá fer fólk að trúa því. Þetta hefur bæði valdið okkur vandræðum í störfum okkar og ekki síður rekstrarlegum vandræðum,“ segir hann.Vilhjálmur Þorsteinsson sagði sig úr stjórn Kjarnans i fyrra þegar í ljós kom að hann átti félag sem var í Panamaskjölunum.VísirVísar til fyrrverandi stjórnarmanns KjarnansÍ sjónvarpsþætti Kjarnafólksins sem höfundur Reykjavíkurbréfsins gerir athugasemd við var fjallað um íslenska fjölmiðla og rekstrarumhverfi þeirra, þar á meðal afskriftir á skuldum Morgunblaðsins og upplýsingar úr ársreikningum Árvakurs og Þórsmerkur, móðurfélaga blaðsins. Sakar höfundur bréfsins Þórð Snæ og Þórunni Elísabetu ásamt öðrum um að hafa fjallað um Morgunblaðið af „yfirgripsmikilli vanþekkingu, andúð eða fjandskap“. Þá þrætir hann fyrir að núverandi eigendur blaðsins hafi fengið afskriftir. Vísun Morgunblaðsins til „stóreiganda“ Kjarnans sem hafi verið með „stórfé í Panama af skattalegum ástæðum“ beinist að Vilhjálmi Þorsteinssyni, fjárfesti og fyrrverandi stjórnarmanni Kjarnans. Hann sagði sig úr stjórn miðilsins í fyrra eftir að greint var frá því að hann hefði átt félag á Bresku Jómfrúareyjum. Nafn þess var að finna í Panamaskjölunum svonefndu. Í Facebook-færslu þar sem Þórður Snær svarar leiðarahöfundi Morgunblaðsins, sem hann telur vera Davíð Oddsson, segir hann Kjarnann hafa skrifað um mál Vilhjálms á sínum tíma. Vilhjálmur hafi gengið úr stjórn þótt ekkert ólögmætt hafi átt sér stað í ljósi þess að Kjarninn hefði verið að fjalla um Panamaskjölin og þurft að hafa nægan trúverðugleika til þess.
Fjölmiðlar Mest lesið Hent nauðugri út úr hryllingshúsi vegna ógreiddrar leigu Innlent Kári segist hafa verið rekinn vegna lygasögu Innlent Ætla að hernema Gasaströndina Erlent Segir réttarríkið standa í vegi sínum Erlent Íbúar Gasa verði fluttir á brott „í þágu eigin öryggis“ Erlent Ekki sé hægt að kaupa fólk út eða rífa hús sem séu byggð samkvæmt leyfum Innlent Brosa hringinn á upphafsdegi strandveiða Innlent Páfabíll verður færanleg heilsugæsla fyrir börn á Gasa Erlent Komu naumlega í veg fyrir hryðjuverkaárás í Bretlandi Erlent Með bæði betri og fleiri vopn en síðast Erlent Fleiri fréttir Kári Stefánsson í beinni, „hryllingshús“ og trillukarlar Gekk inn á lögreglustöðina í annarlegu ástandi og var snarlega handtekinn Kári segist hafa verið rekinn vegna lygasögu Halla og Björn halda til Svíþjóðar Brosa hringinn á upphafsdegi strandveiða Strandveiðar hafnar og óvissa í kvikmyndagerð Í beinni: Málþing um snjóflóð og samfélög Hent nauðugri út úr hryllingshúsi vegna ógreiddrar leigu Skallaði mann og dónalegur við lögregluþjóna Ekki sé hægt að kaupa fólk út eða rífa hús sem séu byggð samkvæmt leyfum Allt of mikið af svipuðum íbúðum á markaði skapi misræmi Bíða með að selja íbúðir frekar en að lækka verðið Óboðlegt að vista hælisleitendur sem eigi að vísa úr landi í fangelsum Brottfararstöð fyrir hælisleitendur og fasteignamarkaður í ójafnvægi Óvenjulítill snjór á hálendinu auki rýrnun jökla í sumar Segist hafa skipað hæfasta fólkið þvert á athugasemdir verkfræðinga Bæjarstjóri Ölfus biðlar til ríkisins vegna Garðyrkjuskólans „Maður skyldi ætla að það þurfi tiltekið siðferði til að starfa í lögreglunni“ Snjólaust á fjöllum og Garðyrkjuskólinn grútnar niður Njósnamálið, hræringar í evrópskum stjórnmálum og fjárhagur borgarinnar Eldur í bíl við fjölbýlishús í Urriðaholti Vakinn af „ölvunarsvefni“ inni á baði og brást ókvæða við Býður upp á sögugöngu um svæðið sem hún vill vernda Sex ára framtíðar sauðfjárbóndi á Rangárvöllum Samfylkingin bætir við sig og sauðburður á fullu Sinueldur við Landvegamót Sigldi ölvaður utan í annan bát og endaði í grjótgarði Kvartöld liðin frá jarðskjálftunum 17. júní á Suðurlandi Samfylkingin með 29 prósenta fylgi „Þetta hefur verið sorgleg þróun“ Sjá meira