Teigurinn: Jovanovic bjargaði Víkingum frá júmbósætinu | Myndband

Víkingar úr Reykjavík spreyttu sig í sjöttu umferð hornspyrnukeppni Teigsins sem var á dagskrá á Stöð 2 Sport HD í kvöld eins og öll önnur föstudagskvöld.

Fossvogsliðið bauð ekki upp á mikil tilþrif ef undan er skilin framherjinn Ivica Jovanovic sem bjargaði liðinu frá botnsætinu í keppninni.

Ívar Örn Jónsson, einn besti spyrnumaður deildarinnar, vill vafalítið gleyma sinni frammistöðu sem fyrst og þá var frammistaða Vladimirs Tufegdzic ekki til útflutnings. Saman náðu þeir aðeins einu stigi.

Víkinga í hornspyrnukeppni Teigsins má sjá hér að ofan.