Ekki bannað að láta sig dreyma Tómas Þór Þórðarson skrifar 24. júní 2017 06:00 Agla María býr 200 metrum frá Kópavogsvelli en hlutirnir gengu ekki í Breiðabliki þannig hún endaði í Stjörnunni og er nú á leið á EM í Hollandi. vísir/stefán „Aron bróðir minn sendi á mig að ég væri í hópnum þannig að ég var bara mjög ánægð. Gærdagurinn var góður,“ segir Agla María Albertsdóttir, kantmaður Stjörnunnar, er hún kjamsar á hollri búrrító við borðstofuborðið heima hjá sér í vesturbæ Kópavogs. Við enda götunnar má sjá Kópavogsvöll og Fífuna, heimavöll Breiðabliks og því eðlilegt að fótboltaferilinn hafi byrjað þar hjá þessari gríðarlega efnilegu fótboltastelpu. „Agla hefur komið sem stormsveipur inn í landsliðið,“ sagði Freyr Alexandersson landsliðsþjálfari er hann kynnti hópinn á blaðamannafundi á fimmtudaginn. Hann laug engu. Agla María á aðeins fjóra landsleiki að baki en hún byrjaði þá tvo síðustu og er nú komin í hópinn. Hún er á leið á EM með stelpunum okkar.Beint í byrjunarliðið? „Ég vissi að það væri séns á þessu eftir að ég byrjaði leikinn á móti Brasilíu en maður veit aldrei. Harpa, Hólmfríður og Sandra María og þær allar hafa verið að koma til baka. Ég er bara mjög ánægð með þetta allt saman,“ segir Agla María og bendir móður sinni á að taka út úr ofninum. Fjölskyldan á að sjá um matinn fyrir leikmenn eftir bikarleik Stjörnunnar og Þórs/KA sem fram fór í gær. Nokkur föt af lasagna eru klár til snæðings. Agla María byrjaði á varamannabekknum í leikjunum á móti Slóvakíu og Hollandi í apríl en var svo í byrjunarliðinu bæði á móti Írlandi og Brasilíu í síðustu viku. Hún nýtti tækifæri sín vel og miðað við það að Hólmfríður Magnúsdóttir, sem hefur eignað sér vinstri kantstöðuna, er komin í nýtt hlutverk hjá íslenska liðinu er opnun fyrir Öglu í byrjunarliðinu á móti Frakklandi. „Auðvitað leyfir maður sér alltaf að dreyma en ég geri bara það sem Freyr vill að ég geri. Maður veit aldrei hvað gerist í þessu. Það getur allt farið á einu augnabliki. Ég var því ekkert að gera mér of miklar væntingar til að byrja með en ég er mjög ánægð með að vera að fara á EM “ segir hún.Agla María, sem er fædd árið 1999, er yngsti leikmaðurinn í íslenska EM-hópnum.vísir/stefánAllt fór af stað í Stjörnunni Agla María varð Íslandsmeistari með Stjörnunni í fyrra en hún er vön að vinna titla. Það gerði hún í stórum stíl í yngri flokkum Breiðabliks þar sem hún vann til dæmis Íslandsmeistaratitilinn í 2. flokki með Ingibjörgu Sigurðardóttur sem einnig er á leið á sitt fyrsta stórmót. Saman eiga þær sex landsleiki. Agla spilaði ekki leik fyrir meistaraflokks Breiðabliks og fór því í Val fyrir sumarið 2015. „Þetta var ekki að ganga upp í Breiðabliki á þeim tíma. Ég fann að ég þurfti að fara eitthvert annað og fór því í Val. Það var samt bara tímabundið. Ég var ekki búin að ákveða hvort ég ætlaði að vera áfram þar en síðan ákvað ég að fara í Stjörnuna. Ég er mjög ánægð með að hafa gert það,“ segir Agla María sem spilaði sinn fyrsta Pepsi-deildarleik í ágúst 2015 og skoraði sitt fyrsta mark í sama mánuði, aðeins 16 ára gömul. Nú er hún að hætta að vera efnileg þrátt fyrir ungan aldur og þykir einn besti leikmaður Pepsi-deildarinnar; algjört ofurmenni á vængjum sem getur hlaupið úr sér lungun og skorað mörk. „Eftir að ég fór í Stjörnuna fór allt að ganga miklu betur. Það eru ótrúlega góðir þjálfarar í Stjörnunni, Óli og Elli, sem hafa hjálpað mér að komast á þann stað sem ég er á núna. Það er aðalástæðan fyrir þessari spilamennsku hjá mér,“ segir Agla María.Aldrei alveg undirbúin Stjarnan hefur undanfarin ár átt nóg af landsliðskonum og á því er engin breyting. Það hefur hjálpað Öglu að komast inn í hlutina hjá stelpunum okkar. „Það eru alltaf einhverjar Stjörnustelpur í liðinu sem hafa hjálpað mér að komast inn í þetta. Það hefur gert mikið fyrir mig að hafa þær þarna,“ segir hún en á bak við árangurinn í sumar og landsliðssætið er mikil vinna. „Ég myndi segja að ég sé búin að æfa rosalega mikið í vetur. Þetta virðist svo allt hafa smollið í sumar en það er mikil vinna á bak við þetta allt saman.“ Riðillinn sem íslenska liðið er í er ekkert grín. Frakkland, Sviss og Austurríki eru öll mjög góð lið og verður ekki einfalt fyrir okkar stelpur að komast í útsláttarkeppnina. „Þetta er mjög erfiður riðill en mér fannst við sýna það á móti Brasilíu að við getum spilað á móti bestu liðunum þannig að ég hef engar áhyggjur,“ segir Agla María Albertsdóttir. EM 2017 í Hollandi Pepsi Max-deild kvenna Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti „Vil miklu frekar eiga feril í MMA heldur en að vinna skrifstofustarf“ Sport Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira
„Aron bróðir minn sendi á mig að ég væri í hópnum þannig að ég var bara mjög ánægð. Gærdagurinn var góður,“ segir Agla María Albertsdóttir, kantmaður Stjörnunnar, er hún kjamsar á hollri búrrító við borðstofuborðið heima hjá sér í vesturbæ Kópavogs. Við enda götunnar má sjá Kópavogsvöll og Fífuna, heimavöll Breiðabliks og því eðlilegt að fótboltaferilinn hafi byrjað þar hjá þessari gríðarlega efnilegu fótboltastelpu. „Agla hefur komið sem stormsveipur inn í landsliðið,“ sagði Freyr Alexandersson landsliðsþjálfari er hann kynnti hópinn á blaðamannafundi á fimmtudaginn. Hann laug engu. Agla María á aðeins fjóra landsleiki að baki en hún byrjaði þá tvo síðustu og er nú komin í hópinn. Hún er á leið á EM með stelpunum okkar.Beint í byrjunarliðið? „Ég vissi að það væri séns á þessu eftir að ég byrjaði leikinn á móti Brasilíu en maður veit aldrei. Harpa, Hólmfríður og Sandra María og þær allar hafa verið að koma til baka. Ég er bara mjög ánægð með þetta allt saman,“ segir Agla María og bendir móður sinni á að taka út úr ofninum. Fjölskyldan á að sjá um matinn fyrir leikmenn eftir bikarleik Stjörnunnar og Þórs/KA sem fram fór í gær. Nokkur föt af lasagna eru klár til snæðings. Agla María byrjaði á varamannabekknum í leikjunum á móti Slóvakíu og Hollandi í apríl en var svo í byrjunarliðinu bæði á móti Írlandi og Brasilíu í síðustu viku. Hún nýtti tækifæri sín vel og miðað við það að Hólmfríður Magnúsdóttir, sem hefur eignað sér vinstri kantstöðuna, er komin í nýtt hlutverk hjá íslenska liðinu er opnun fyrir Öglu í byrjunarliðinu á móti Frakklandi. „Auðvitað leyfir maður sér alltaf að dreyma en ég geri bara það sem Freyr vill að ég geri. Maður veit aldrei hvað gerist í þessu. Það getur allt farið á einu augnabliki. Ég var því ekkert að gera mér of miklar væntingar til að byrja með en ég er mjög ánægð með að vera að fara á EM “ segir hún.Agla María, sem er fædd árið 1999, er yngsti leikmaðurinn í íslenska EM-hópnum.vísir/stefánAllt fór af stað í Stjörnunni Agla María varð Íslandsmeistari með Stjörnunni í fyrra en hún er vön að vinna titla. Það gerði hún í stórum stíl í yngri flokkum Breiðabliks þar sem hún vann til dæmis Íslandsmeistaratitilinn í 2. flokki með Ingibjörgu Sigurðardóttur sem einnig er á leið á sitt fyrsta stórmót. Saman eiga þær sex landsleiki. Agla spilaði ekki leik fyrir meistaraflokks Breiðabliks og fór því í Val fyrir sumarið 2015. „Þetta var ekki að ganga upp í Breiðabliki á þeim tíma. Ég fann að ég þurfti að fara eitthvert annað og fór því í Val. Það var samt bara tímabundið. Ég var ekki búin að ákveða hvort ég ætlaði að vera áfram þar en síðan ákvað ég að fara í Stjörnuna. Ég er mjög ánægð með að hafa gert það,“ segir Agla María sem spilaði sinn fyrsta Pepsi-deildarleik í ágúst 2015 og skoraði sitt fyrsta mark í sama mánuði, aðeins 16 ára gömul. Nú er hún að hætta að vera efnileg þrátt fyrir ungan aldur og þykir einn besti leikmaður Pepsi-deildarinnar; algjört ofurmenni á vængjum sem getur hlaupið úr sér lungun og skorað mörk. „Eftir að ég fór í Stjörnuna fór allt að ganga miklu betur. Það eru ótrúlega góðir þjálfarar í Stjörnunni, Óli og Elli, sem hafa hjálpað mér að komast á þann stað sem ég er á núna. Það er aðalástæðan fyrir þessari spilamennsku hjá mér,“ segir Agla María.Aldrei alveg undirbúin Stjarnan hefur undanfarin ár átt nóg af landsliðskonum og á því er engin breyting. Það hefur hjálpað Öglu að komast inn í hlutina hjá stelpunum okkar. „Það eru alltaf einhverjar Stjörnustelpur í liðinu sem hafa hjálpað mér að komast inn í þetta. Það hefur gert mikið fyrir mig að hafa þær þarna,“ segir hún en á bak við árangurinn í sumar og landsliðssætið er mikil vinna. „Ég myndi segja að ég sé búin að æfa rosalega mikið í vetur. Þetta virðist svo allt hafa smollið í sumar en það er mikil vinna á bak við þetta allt saman.“ Riðillinn sem íslenska liðið er í er ekkert grín. Frakkland, Sviss og Austurríki eru öll mjög góð lið og verður ekki einfalt fyrir okkar stelpur að komast í útsláttarkeppnina. „Þetta er mjög erfiður riðill en mér fannst við sýna það á móti Brasilíu að við getum spilað á móti bestu liðunum þannig að ég hef engar áhyggjur,“ segir Agla María Albertsdóttir.
EM 2017 í Hollandi Pepsi Max-deild kvenna Mest lesið Ósætti við úrelta löggjöf: „Sennilega eina þjóðin eftir í heiminum“ Sport „Ein besta markvarsla sem ég hef séð“ Fótbolti Slæm byrjun Vals hélt áfram í Garðabænum Handbolti Segir Leipzig hinn fullkomna áfangastað fyrir unga og efnilega leikmenn Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Rautt spjald snemma leiks dýrt spaug fyrir Börsunga Fótbolti „Vil miklu frekar eiga feril í MMA heldur en að vinna skrifstofustarf“ Sport Fleiri fréttir Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjáðu markaflóðið úr Bestu deild karla í gær „Það er ekki öllum sem finnst þetta skemmtilegt“ „Gífurlega svekkjandi augnablik“ „Held það vilji það allir sem fylgjast með boltanum“ Uppgjörið: Breiðablik - HK 5-3 | Blikar völtuðu yfir nágrannana í síðari hálfleik Heimir: Þetta víti var brandari Sjá meira