Bottas: Markmiðið er að vinna á morgun

Valtteri Bottas náði í sinn annan ráspól á ferlinum í Austurríki í dag. Finninn sýndi mátt sinn og meginn, hver sagði hvað eftir tímatökuna?

„Þetta verður góð barátta á morgun. Markmiðið okkar er ekki neitt annað en að vinna á morgun. Lewis á eftir að aka vel á morgun og það verður spennandi að sjá hvað gerist á morgun,“ sagði Valtteri Bottas eftir tímatökuna.

„Ég var ekki nógu fljótur augljóslega, en bíllinn er mjög góður. Ég hlakka til morgundagsins. Keppnin ætti að verða mjög góð,“ sagði Sebastian Vettel sem varð annar í tímatökunni á Ferrari bílnum.

„Ég vil byrja á að óska Valtteri til hamingju með frábæran akstur í dag. Ég er ánægður með þriðja sætið en hefði viljað ná að nýta síðustu tilraunina en því var ekki ætlað að verða. Markmiðið á morgun er að ná fyrsta og öðru sæti ásamt Valtteri á morgun,“ sagði Lewis Hamilton sem ræsir áttundi á morgun eftir að hafa orðið þriðji í tímatökunni.

„Það hefði verið gaman að ná bætingunni sem mér fannst ég eiga inni undir lokin. Ég ætti að geta náð í verðlaunasæti á morgun. Fyrst ég gat það frá tíunda sæti í síðustu keppni þá hlýt ég að geta það frá fjórða,“ sagði Daniel Ricciardo sem ræsir af stað fjórði á morgun eftir að hafa orðið fimmti í tímatökunni.

„Vonandi verða aðstæður ekki alveg þurrar á morgun. Ég vona að það verði rigning því það gæti hrist upp í hlutunum,“ sagði Max Verstappen sem varð sjötti í tímatökunni og ræsir fimmti á morgun á Red Bull bílnum.

„Það er góð björgun hjá okkur að ná að ræsa af stað í sjöunda sæti. Við áttum við vandamál að glíma á æfingum og það er ótrúlegt að við höfum raunar náð í þriðju lotuna. Vonandi get ég tekið fram úr Grosjean sem fyrst,“ sagði Sergio Perez sem ræsir sjöundi á morgun.