Tónlistarhátíðin Innipúkinn verður haldin 16. árið í röð um verslunarmannahelgina í ár. Aðaltónleikadagskráin fer að sjálfsögðu fram innandyra, og verður líkt og í fyrra í Kvosinni á tónleikastöðunum Húrra og Gauknum.
Þar verður boðið upp á fjölbreytta tónleikadagskrá föstudags-, laugardags- og sunnudagskvöld, þ.e.a.s. 4.-6. ágúst.
Frábærir listamenn koma fram í ár og má sjá nöfnin á fyrstu listamönnunum sem tilkynntir eru af forsvarsmönnum hátíðarinnar hér að neðan:
Alvia Islandia
Amabadama
aYia
Between Mountains
Cyber
Daði Freyr & Gagnamagnið
Dimma
Elli Grill
FM Belfast
Fufanu
Jón Jónsson
Kiriyama Family
Kontinuum
Marteinn Sindri
Milkywhale
Smjörvi X Hrnnr
Sóley
Sturla Atlas
Twin Twin Situation
Vök
Armband á hátíðina gildir alla helgina bæði á Húrra og Gaukinn og þau má nálgast, gegn framvísun aðgöngumiða, á Gauknum frá og með föstudeginum. Einnig er hægt að kaupa miða inn á stök kvöld. 20 ára aldurstakmark er á hátíðina.
Þessir listamenn koma fram á Innipúkanum
