Héraðsdómur Reykjavíkur úrskurðaði Svein Gest Tryggvason í áframhaldandi fjögurra vikna gæsluvarðhald á grundvelli almannahagsmuna en hann er grunaður um að hafa orðið Arnari Jónssyni Aspar að bana við heimili hans í Mosfellsdal í júní.
Þetta segir Grímur Grímsson, yfirlögregluþjónn hjá lögreglunni á höfuðborgarsvæðinu í samtali við Vísi, en ekki liggur fyrir hvort að úrskurðurinn hafi verið kærður til Hæstaréttar.
Greint var frá því fyrr í vikunni að rannsókn lögreglu væri lokið. Þó er ekki búið að senda málið til héraðssaksóknara sem tekur ákvörðun um ákæru þar sem rannsakendur eiga eftir að fá allra síðustu gögn málsins afhent.
Auk Sveins Gests eru fimm aðrir með stöðu sakbornings í málinu. Fjórir þeirra sátu í gæsluvarðhaldi í viku en sá fimmti var í haldi lögreglu í tæpar fjórar vikur.
Manndráp í Mosfellsdal: Úrskurðaður í áframhaldandi gæsluvarðhald
Tengdar fréttir
Jón Trausti laus úr gæsluvarðhaldi
Hæstiréttur féllst ekki á áframhaldandi gæslu.
Rannsókn lögreglu á manndrápi í Mosfellsdal lokið
Lögreglan á höfuðborgarsvæðinu mun fara fram á áframhaldandi gæsluvarðhald yfir Sveini Gesti Tryggvasyni sem grunaður er um að hafa orðið Arnari Jónssyni Aspar að bana við heimili hans í Mosfellsdal í júní síðastliðnum.
