Valdísi Þóru Jónsdóttur, Íslandsmeistara í golfi, tókst ekki að tryggja sér þátttökurétt á Opna breska meistaramótinu sem hefst á fimmtudaginn.
Valdís keppti á úrtökumóti fyrir Opna breska á Castle Course í St. Andrews í Skotlandi í dag.
Valdís lék hringinn á tveimur höggum yfir pari og er, þegar þetta er skrifað í kringum 40. sæti. Tuttugu efstu kylfingarnir komast inn á Opna breska.
Ísland mun þó eiga einn fulltrúa á Opna breska því Ólafía Þórunn Kristinsdóttir hefur tryggt sér þátttökurétt á mótinu.
Breiðablik
KR
