Mamma Ólafíu verðlaunaði hana með pizzu eftir að dóttirin tryggði sig inn á opna breska

Ólafía Þórunn Kristinsdóttir tryggði sér sæti á opna breska meistaramótinu í dag með því að ná þrettánda sæti á opna breska meistaramótinu.

Ólafía Þórunn gaf allt sitt í lokahringinn og var mjög þreytt þegar Vísir heyrði í henni í kvöld

„Ég er smá eins og sprungin blaðra núna. Ég er búin að gefa allt í þetta. Ég þarf að átta mig á þessu á morgun held ég,“ sagði Ólafía Þórunn.  Hún vissi af möguleikanum á því að komast inn á opna breska en reyndi ekki að láta það hafa áhrif á sig.

„Spennan var ekki meiri fyrir mig en samt allir í kringum mig töluðu eins og þetta væri komið. Það er svolítið óþægilegt því ég vil ekki segja að þetta sé komið fyrr en það er komið. Ég þarf að einbeita mér áfram og þurfti því að loka á það. Ég var ekki að hugsa um þetta heldur bara að reyna að spila eins vel og ég gat,“ sagði Ólafía Þórunn.  

Hún verður áfram í Skotlandi því opna breska mótið hefst á austurströndinni í næstu viku.

„Ég er að fara í tveggja tíma rútuferð þar sem ég ætla að keyra á milli áfangastaða. Svo fer ég bara að sofa og hvíla mig. Mamma var að koma með pizzu fyrir mig þannig að þannig fagna ég,“ sagði Ólafía Þórunn en móðir hennar, Elísabet M. Erlendsdóttir, var með henni úti.

Það verður lengra viðtal við Ólafíu í Fréttablaðinu á morgun.