„Einvígið á Nesinu 2017“ er fyrir baráttuna gegn einelti

Árlegt góðgerðarmót Nesklúbbsins og DHL Express á Íslandi, Einvígið á Nesinu, verður haldið í 21. skipti á Nesvellinum á  mánudaginn kemur.

Tíu af bestu kylfingum landsins fyrr og síðar er boðið til leiks eins og venjan hefur verið. Í ár spila kylfingarnir í þágu Vinaliðaverkefnisins sem leggur áherslu á að stöðva einelti í skólum.

Heimamaðurinn Oddur Óli Jónasson úr Nesklúbbnum fær tækiffæri til að verja titilinn sinn en hann er einn af fjórum keppendum í ár sem hafa unnið Einvígið. Hinir eru Björgvin Þorsteinsson, Björgvin Sigurbergsson og Kristján Þór Einarsson.

Mótið verður með hefðbundnu sniði, þ.e. klukkan 10.00 leika keppendur 9 holu höggleik og kl.13.00 hefst svo Einvígið sjálft, (shoot-out) þar sem einn kylfingur dettur út á hverri holu, þar til tveir berjast að lokum um sigurinn á 18. holu.

DHL Express á Íslandi hefur verið styrktaraðili mótsins frá því að það var fyrst haldið árið 1997 og á þessum tíma styrkt félög eða samtök sem láta sér hag barna varða um hátt á annan tug milljóna króna. Vinaliðaverkefnið nýtur í ár góðs af og fær eina milljón króna frá DHL.

Þátttakendur í Einvíginu á Nesinu 2017:

Birgir Björn Magnússon GK ı Klúbbmeistari GK 2017

Björgvin Sigurbergsson GK ı Margfaldur Íslandsmeistari í golfi

Björgvin Þorsteinsson GA ı Sexfaldur Íslandsmeistari og Íslandsmeistari 35 ára og eldri 2017

Guðmundur Rúnar Hallgrímsson GS ı Klúbbmeistari GS 2017

Ingvar Andri Magnússon GR ı Íslandsmeistari 17-18 ára 2017

Kristján Þór Einarsson GM ı Klúbbmeistari GM 2017

Oddur Óli Jónasson NK ı Klúbbmeistari NK 2017 og sigurvegari Einvígisins 2016

Ragnhildur Kristinsdóttir GR ı Landsliðskona og meðlimur í TEAM ICELAND

Úlfar Jónsson GKG ı Sexfaldur Íslandsmeistari í golfi

Valdís Þóra Jónsdóttir GL Íslandsmeistari 2017 og atvinnukylfingur

Sigurvegarar frá upphafi

1997 Björgvin Þorsteinsson

1998 Ólöf María Jónsdóttir

1999 Vilhjálmur Ingibergsson

2000 Kristinn Árnason

2001 Björgvin Sigurbergsson

2002 Ólafur Már Sigurðsson

2003 Ragnhildur Sigurðardóttir

2004 Magnús Lárusson

2005 Magnús Lárusson

2006 Magnús Lárusson

2007 Sigurpáll Geir Sveinsson

2008 Heiðar Davíð Bragason

2009 Björgvin Sigurbergsson

2010 Birgir Leifur Hafþórsson

2011 Nökkvi Gunnarsson

2012 Þórður Rafn Gissurarson

2013 Birgir Leifur Hafþórsson

2014 Kristján Þór Einarsson

2015 Aron Snær Júlíusson

2016 Oddur Óli Jónasson