Í eldhúsi Evu: Grilluð tortilla pizza með risarækjum, rjómaosti og fersku salsa

Í þáttunum Í eldhúsi Evu, sem sýndir eru á Stöð 2 á fimmtudögum, töfra Eva Laufey Kjaran Hermannsdóttir fram ýmsar kræsingar.

Hvítlauksrækjur

300 g risarækjur

2 – 3 msk ólífuolía

50 g smjör, brætt

2 hvítlauksrif

1/2 rautt chilialdin

safi úr hálfri sítrónu

salt og pipar

1 msk smátt söxuð steinselja

Aðferð:

Skolið rækjurnar vel og þerrið, veltið síðan rækjunum upp úr ólífuolíu, smjöri, nýrifnum hvítlauk, smátt söxuðu chili, salti, pipar og steinselju eða kóríander. Þræðið rækjurnar því næst upp á grillspjót og grillið í 2 mínútur á hvorri hlið eða þar til rækjurnar eru eldaðar í gegn.

Tortillapizzur

Tortillakökur

Hreinn rjómaostur

Risarækjur

Ólífuolía

Aðferð:

Smyrjið tortillakökur með hreinum rjómaosti, sáldrið rifnum osti yfir og kryddið til með salti og pipar. Raðið rækjunum yfir og sáldrið smávegis af ólífuolíu yfir. Leggið tortilla kökuna á álpappír sem er smurður með ólífuolíu, grillið tortillapizzuna í örfáar mínútur eða þar til osturinn er bráðnaður og tortillakakan gullinbrún. Berið pizzuna fram með fersku salsa.

Salsa

12 kirsuberjatómatar

½ Rauð paprika

2 – 3 msk smátt saxaður vorlaukur

Ólífuolía

Safi úr hálfri límónu

1 lárpera

handfylli kóríander

salt og pipar

Aðferð:

Skerið öll hráefnin afar smátt og blandið saman í skál, kryddið til með salti og pipar. Kreistið safa úr hálfri límónu yfir ásamt smávegis af ólífuolíu. Gott er að kæla salatið áður en þið berið það fram með pizzunni.