Haukur Páll í banni gegn FH

Haukur Páll Sigurðsson, fyrirliði Vals, verður ekki með liðinu þegar það sækir FH heim eftir viku í 14. umferð Pepsi-deild karla.

Haukur Páll var í dag úrskurðaður í eins leiks bann vegna fjögurra gulra spjalda.

Valsmenn eru með átta stiga forskot á toppi deildarinnar en þeir hafa unnið þrjá leiki í röð. Í gær rústaði Valur ÍA, 6-0.

Þá verður Eyjólfur Héðinsson ekki með Stjörnunni gegn Breiðabliki á Samsung-vellinum miðvikudaginn 9. ágúst.

Eyjólfur fékk rautt spjald í 2-2 jafntefli Stjörnunnar og ÍBV á sunnudaginn og er því kominn í eins leiks bann.