Lífið

Hreifst af stelpu á Instagram en var hafnað

Kristín Ólafsdóttir skrifar
Justin Bieber hafði ekkert upp úr krafsinu í þetta skiptið.
Justin Bieber hafði ekkert upp úr krafsinu í þetta skiptið. Vísir/GETTY
Söngvarinn Justin Bieber reyndi að setja sig í samband við unga konu, sem honum þótti álitleg, með því að senda vinnuveitanda hennar skilaboð á Instagram. Stúlkan var þó ekki par hrifin af fyrirspurn söngvarans.

Bieber kom auga á stúlkuna, einkaþjálfarann Jessicu Gober, á Instagram-reikningi líkamsræktarstöðvarinnar sem Gober starfar hjá. Hann sendi stöðinni einkaskilaboð í gegnum Instagram og spurði hver umrædd dama væri.

„Hvaða stelpa er þetta í síðustu færslu hjá ykkur?“ spurði Bieber og sendi hjarta til áherslu. Skilaboðin rötuðu á endanum til Gober sjálfrar sem deildi þeim á Twitter-reikningi sínum og þótti lítið til þeirra koma.

Þá segist Gober ekki þurfa á athygli Bieber að halda og birti því til sönnunar myndir af sér og kærasta sínum. Justin Bieber fann því ekki ástina í þetta skiptið.


Tengdar fréttir

Justin Bieber aflýsir öllum tónleikum

Vegna ófyrirsjáanlegra aðstæðna finnur söngvarinn Justin Bieber sig knúinn til að aflýsa öllum tónleikum sem eftir eru á tónleikaferð hans Purpose World Tour.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.