Pétur Viðarsson, varnarmaður FH, segir að hann hafi lítinn hug á að tjá sig um það sem gerðist eftir leik Stjörnunnar og FH í Pepsi-deild karla í gærkvöldi.
Pétur fékk að líta rauða spjaldið hjá Vilhjálmi Alvari Þórarinssyni, dómara leiksins, eftir leikinn í gær sem og þeir Brynjar Björn Gunnarsson og Davíð Snorri Jónasson, þjálfarar Stjörnunnar.
Eins og sést á meðfylgjandi myndskeiði tókust þeir Pétur og Brynjar Björn á. Pétur virðist ýta við Brynjari Birni en þeim er svo stíað í sundur.
„Menn voru ósáttir við úrslitin. Það voru einhverjar ýtingar eftir leik,“ sagði Pétur og bætti við: „Annars vil ég sem minnst tjá mig um þetta í fjölmiðlum.“
Óvíst er hvernig aganefnd KSÍ mun taka á málinu en það kemur væntanlega á borð þess á morgun. Pétur gæti átt yfir höfði sér meira en eins leiks bann.
Pétur: Vil sem minnst tjá mig um þetta | Sjáðu lætin
Tengdar fréttir
Heimir: Stjörnumenn góla kerfisbundið á dómarann | Þrír reknir út af
Það varð allt vitlaust eftir leik Stjörnunnar og FH í Pepsi-deild karla í kvöld.
Umfjöllun, viðtöl og einkunnir: Stjarnan - FH 1-1 | Dramatískt í Garðabænum
Stjörnumenn tryggðu sér jafntefli gegn FH með marki í uppbótartíma. Eftir leik sauð allt upp úr á milli liðanna.
Sjáðu öll mörk gærdagsins, lætin í Garðabænum og gullmark Andra Rúnars
Það var nóg um að vera í 17. umferð Pepsi-deildar karla.
Forsætisráðherra leggur orð í belg um jöfnunarmark Stjörnunnar
Það varð allt vitlaust eftir leik Stjörnunnar og FH í Pepsi-deild karla í gær.
