Leiknir frá Fáskrúðsfirði hélt veikri von sinni um að halda sæti sínu í Inkasso-deildinni á lífi með óvæntum 6-0 sigri á Haukum á heimavelli í dag.
Gestirnir úr Reykjavík þurftu svo sannarlega á sigrinum að halda til að eiga enn möguleika á efstu tveimur sætunum en það fór allt úrskeiðis í dag.
Dagur Ingi Valsson kom heimamönnum yfir og bætti við marki í upphafi seinni hálfleiks. Stuttu eftir að Björgvin Pétursson hafði bætt við marki fyrir heimamenn var Baldvini Sturlusyni vikið af velli með rautt spjald.
Dagur fullkomnaði þrennuna sína á 66. mínútu en Hilmar Bjartþórsson og Povilas Krasnovskis bættu við fimmta og sjötta marki heimamanna áður en leikurnn kláraðist.
Staðan er þó enn erfið fyrir Leiknismenn sem eiga leik gegn ÍR í næstu umferð í Breiðholtinu og þurfa að vinna annan eins sigur þar til að halda lífi í baráttunni um 10. sætið í Inkasso-deildinni.
Leiknismenn héldu lífi með stórsigri
