Dramatískur sigur Eista

Eistar unnu dramatískan sigur á Kýpur í H-riðli undankeppni Heimsmeistaramótsins í Rússlandi í dag. 

Mattias Kait, fyrrum samherji Ragnars Sigurðssonar hjá Fulham, skoraði sigurmarkið á annari mínútu uppbótartímans í seinni hálfleik.

Kýpverjar hefðu með sigri getað haldið í vonina að ná umspilssæti í riðlinum, en eftir tapið verður leiðin erfiðari fyrir Kýpverja. Öll von er þó ekki úti, því liðin í 1. og 2. sæti riðilsins, Belgía og Grikkland, eigast við nú í kvöld og fari Belgar með sigur eru enn aðeins þrjú stig á milli Kýpur og Grikklands.