„Ég veit ekki alveg hvaðan þessi tími kom. Ég öskraði örugglega jafn hátt og fólkið hérna. Bíllinn var flókinn í uppsetningu en hann kom til mín þegar leið á kvöldið. Það er gott að aka hér ef maður finnur að bíllinn er að batna,“ sagði Vettel.
„Þetta lofar góðu fyrir okkur, það er leitt að við náðum ekki að setja bíl á ráspól. Við verðum að reyna að taka fram úr Vettel í keppninni en við reynum á fyrsta hring,“ sagði Max Verstappen sem varð annar í dag.
„Ég er ögn afbrýðissamur í dag. Ég hef hins vegar fulla trú á að við getum unnið keppnina á morgun,“ sagði Daniel Ricciardo sem varð þriðji í dag.
„Við vissum að þessi helgi yrði okkur erfið. Sagan segir það einfaldlega. Ég bjóst þó ekki við að Ferrari yrðu svona hraðir. Ég vona bara að heppnin verið með okkur á morgun. Það er erfitt að taka fram úr hér. Ræsingin og keppniáætlanir eru einu alvöru tækifærin hér til að taka fram úr,“ sagði Lewis Hamilton sem varð fimmti í dag.
„Við höfum verið fljótastir alla helgina, þangað til í síðustu lotunni. Við höfum bara ekki þetta extra sem þarf þegar á reynir. Ég held að okkur skorti bara örlítið meira afl. Keppnin er ekki unnin á laugardegi,“ sagði Christian Horner, liðsstjóri Red Bull.
„Þetta er búin að vera erfið helgi. Bíllinn hefur verið misgóður en hann var í sínu besta formi hongað til í tímatökunni. Við getum sótt í keppninni á morgun,“ sagði Kimi Raikkonen sem varð fjórði á Ferrari.
„Þetta er það sem við bjuggumst við. Við virðumst vera að glíma við ákveðið mynstur, Ferrari og Red Bull gengur betur en okkur á hlykkjóttum, þröngum brautum. Valtteri [Bottas] vantar einhvern hraða. Helgin hefur verið okkur erfið hingað til,“ sagði Toto Wolff, liðsstjóri Mercedes.
„Við vissum að þessi braut gæti boðið upp á góð úrslit fyrir okkur. Við ætlum að ná í stig með báðum bílum í keppninni á morgun. Við teljum að bíllinn sjálfur sé meðal þeirra bestu,“ sagði Fernando Alonso sem varð áttundi á McLaren bílnum í dag.
