Jafnt í Akureyrarslagnum

KA og Akureyri skildu jöfn, 20-20, í fyrsta leik 4. umferð Grill 66 deildarinnar í handbolta í kvöld.

Þetta var fyrsti grannaslagurinn á Akureyri í langan tíma og það var mikil stemmning í KA-heimilinu í kvöld. Tæplega 1100 manns sóttu leikinn.

Akureyri var tveimur mörkum yfir í hálfleik, 10-12, en á endanum sættust liðin á skiptan hlut.

Dagur Gautason, Jón Heiðar Sigurðsson og Ólafur Jóhann Magnússon skoruðu fjögur mörk hver fyrir KA.

Hafþór Már Vignisson skoraði sex mörk fyrir Akureyri og Patrekur Stefánsson fimm.

Bæði lið eru með sjö stig eftir fyrstu fjórar umferðirnar í Grill 66 deildinni.