Ed Sheeran og Beyoncé í „nýjum“ dúett

Tónlistarfólkið Ed Sheeran og Beyoncé eru tvær af stærstu stjörnum tónlistarheimsins þessi misserin. Sheeran slær í gegn með angurværu gítarpoppi og allflestir þekkja Beyoncé sem hefur verið stórt nafn í nær tuttugu ár.

Þau gera þó ólíka tónlist og eru ekki sérstaklega líklegir samstarfsfélagar. Nú er hins vegar komin út ný útgáfa af laginu Perfect eftir Sheeran sem er nýjasta smáskífan af plötu hans ÷ eða Divide.

Lagið er fallegt ástarlag og er hægt að hlusta á það í spilaranum hér fyrir neðan.