Mikk Pinnonen átti mjög góðan leik þegar Afturelding bar sigurorð af Stjörnunni, 27-30, í 14. umferð Olís-deildar karla á sunnudaginn. Eistinn lét mikið að sér kveða í leiknum og skoraði sjö mörk.
Jóhann Gunnar Einarsson, sérfræðingur Seinni bylgjunni, spilaði með Pinnonen hjá Aftureldingu og hefur mikið álit á honum sem leikmanni.
„Hann kom eins og stormsveipur inn í íslenskt handboltalíf. Menn höfðu ekki séð annan eins hraða. Ég viðurkenni að hann er ekkert búinn að vera geggjaður á tímabilinu. Hann var líka að gerast vegan,“ sagði Jóhann Gunnar í Seinni bylgjunni í gær.
„Eina sem háir hans leik er að hann er stundum of hraður fyrir sjálfan sig. Stundum gerir hann of mikið.“
Jóhann Gunnar segir að Pinnonen sé bestur í Olís-deildinni í að koma á móti boltanum. Hann stóð svo upp og bauð upp á sýnikennslu í stúdíóinu.
Innslagið í heild sinni má sjá í spilaranum hér fyrir ofan.
Jóhann Gunnar með sýnikennslu: „Það er ekki bara Dagur Sigurðsson sem má standa upp í þessum þætti“
Tengdar fréttir
Einar Andri: Gef þeim hæstu einkunn fyrir þennan leik
Einar Andri Einarsson, þjálfari Aftureldingar, var afar sáttur með sigurinn á Stjörnunni og frammistöðu sinna manna.
Gunnar Berg ósáttur með Hákon Daða: Hann klúðraði þessu stigi fyrir Hauka
Óðinn Þór Ríkharðsson tryggði FH sigur á Haukum, 30-29, í Hafnarfjarðarslagnum í gær.
Umfjöllun og viðtöl: Stjarnan - Afturelding 27-30 | Mosfellingar enduðu árið á sigri
Afturelding vann sinn sjötta sigur í síðustu átta deildarleikjum þegar liðið lagði Stjörnuna að velli, 27-30, í 14. umferð Olís-deildar karla í kvöld.
Seinni bylgjan: Tveggja íþrótta undur á Selfossi
Selfoss fer inn í jólafríið í 4. sæti Olís-deildar karla. Selfyssingar unnu 36-29 sigur á Fram í síðasta leik sínum fyrir áramót.
