Selfoss fer inn í jólafríið í 4. sæti Olís-deildar karla. Selfyssingar unnu 36-29 sigur á Fram í síðasta leik sínum fyrir áramót.
Haukur Þrastarson og Teitur Örn Einarsson hafa stolið fyrirsögnunum að undanförnu en í leiknum gegn Fram stukku aðrir leikmenn fram á sjónarsviðið.
Meðal þeirra var Richard Sæþór Sigurðsson sem skoraði þrjú mörk úr vinstra horninu.
Richard Sæþór er ekki bara góður í handbolta heldur er hann einnig liðtækur fótboltamaður.
Sumarið 2016 lék hann 18 leiki með Selfossi í Inkasso-deildinni og skoraði þrjú mörk í fimm bikarleikjum. Tvö þeirra komu í 4-3 sigri á Víði í 16-liða úrslitum.
„Hann lék bara einn leik með Árborg í fyrra þannig hann virðist vera búinn að velja handboltann. En það er ekki nema eitt ár síðan hann var að skora í 16-liða úrslitum bikarsins,“ sagði Tómas Þór Þórðarson þegar hann kynnti Richard Sæþór til leiks í Seinni bylgjunni á Stöð 2 Sport í gær.
Innslagið í heild sinni má sjá í spilaranum hér fyrir ofan.
Seinni bylgjan: Tveggja íþrótta undur á Selfossi
Tengdar fréttir
Umfjöllun og viðtöl: Selfoss - Víðir 4-3 | Bikarævintýri Selfyssinga heldur áfram
Selfoss er kominn í 8-liða úrslit Borgunarbikars karla eftir ævintýralegan 4-3 sigur á Víði í framlengdum leik á JÁVERK-vellinum á Selfossi í kvöld.
Umfjöllun og viðtöl: Selfoss - Fram 36-29 | Aldrei spurning á Selfossi
Selfyssingar halda í við topplið Olís-deildarinnar á leiðinni í jólafríið en þeir unnu sannfærandi sjö marka sigur á Fram á heimavelli í kvöld en leikurinn var í raun búinn í hálfleik.
Teitur Örn æfir með Kristianstad
Selfyssingurinn skotfasti, Teitur Örn Einarsson, mun æfa og skoða aðstæður hjá Kristianstad á næstu dögum.
