Keppni er hafin á nýjan leik á Pure Silk LPGA-mótinu sem nú stendur yfir á Bahama-eyjum. Þetta er fyrsta mót tímabilsins á LPGA-mótaröðinni.
Fresta þurfti leik í gærmorgun vegna veðurs en afar hvasst er á eyjunum þessa helgina. Vindhviður náðu yfir 20 m/s í gær og í morgun.
Eftir nokkrar frestanir í morgun hófst keppni á nýjan leik klukkan 16.15. Ólafía ræsir út klukkan 18.31 en bein útsending hefst á Golfstöðinni klukkan 20.30.
Ólafía Þórunn er við niðurskurðarlínuna þegar þetta er skrifað en hún var á fjórum höggum yfir pari eftir fyrsta keppnisdaginn.
Ákveðið hefur verið að stytta mótið um einn hring og stefna að því að klára 54 holur á morgun, sunnudag. Niðurskurðurinn fer fram eftir núverandi keppnishring.
Keppni hafin að nýju hjá Ólafíu
Tengdar fréttir
Keppni hefst aftur á Bahamas
Keppni mun hefjast að nýju á Pure Silk LPGA mótinu nú klukkan 16:15, en ekkert hefur verið spilað á mótinu í rúman sólarhring vegna veðurs.
Ólafía Þórunn keppir ekki í dag | Leik frestað vegna veðurs
Ólafía Þórunn Kristinsdóttir mun ekki spila annan hringinn sinn á Pure Silk mótinu á Bahamaeyjum í dag. Ástæðan er að mótshaldarar hafa flautað daginn af vegna slæms veðurs.
Ólafía Þórunn með sex skolla á fyrsta hring ársins
Ólafía Þórunn Kristinsdóttir byrjar árið ekki nógu vel en hún spilaði fyrsta hringinn á Pure Silk mótinu á Bahamaeyjum á fjórum höggum yfir pari.
Enn vindasamt á Bahama-eyjum | Mótið stytt
Ekki er ljóst hvenær Ólafía Þórunn geti hafið leik að nýju á Pure Silk LPGA-mótinu á Bahama-eyjum.
