Vill svartan leikara eða leikkonu í hlutverk Bond

Breski leikarinn Idris Elba er þeirrar skoðunar að njósnarinn James Bond eigi að vera leikinn af annað hvort svörtum leikara eða leikkonu.

Elba var lengi vel orðaður við hlutverk njósnara hennar hátignar en orðrómurinn var orðinn það hávær og hann þurfti ítrekað að neita fyrir að hafa tekið að sér hlutverkið.

Í viðtali við Variety sem birtist nýverið segist Elba vera þeirrar skoðunar að þeir sem framleiða James Bond-myndirnar eiga að fara líta í kringum sig og sjá að njósnarinn þarf ekki alltaf að vera hvítur karl.

„Hann gæti verið kona. Hann gæti verið svört kona. Hann gæti líka verið hvít kona. Ég held að margir yrðu glaðir að heyra af því að fara eigi með þessa persónu í aðra átt,“ sagði Elba.

Þeir sem eru þó að bíða eftir einhverju nýju þegar kemur að James Bond þurfa þó að bíða ögn lengur því Daniel Craig á eina mynd eftir sem njósnarinn ódauðlegi.