Kristján sá hættulegasti í Olís-deildinni

Fjölnismaðurinn Kristján Örn Kristjánsson er sá leikmaður í Olís-deild karla sem kom að flestum mörkum áður en deildin fór í sex vikna frí.

Kristján Örn kom alls að 152 mörkum í fjórtán leikjum Fjölnis eða 10,9 að meðaltali í leik. Hann er í 2. sæti yfir flest mörk (103 - 7,4 í leik) og er svo í sjötta sæti yfir flestar stoðsendingar (49 - 3,5 í leik).

Kristján Örn hélt upp á tvítugafmælið síðasta jóladag og á því sannarlega framtíðina fyrir sér í boltanum.

Kristján Örn hefur tíu marka forskot á næsta mann sem er FH-ingurinn Einar Rafn Eiðsson. Einar Rafn er í 2. sæti í stoðsendingum (59 - 4,2 í leik) og í 5. sæti yfir flest mörk (83 - 5,9 í leik).

Markahæsti maður deildarinnar, Selfyssingurinn Teitur Örn Einarsson, er í þriðja sæti og Framarinn Arnar Birkir Hálfdánsson er fjórði. Arnar Birkir er sá sem hefur gefið flestar stoðsendingar eftir fjórtán umferðir.

Alls hafa fjórtán leikmenn náð því að koma með beinum hætti að hundrað mörkum eða meira í fyrstu fjórtán umferðunum. Selfyssingurinn ungi Haukur Þrastarson er síðastur inn í þann hóp en hann kom að akkurat 100 mörkum fyrir áramót.

Leikmenn sem hafa átt þátt í flestum mörkum:

(Tölur frá HBStatz úr fyrstu 14 umferðunum)

1. Kristján Örn Kristjánsson, Fjölni    152 (103+49)

2. Einar Rafn Eiðsson, FH    142 (83+59)

3. Teitur Örn Einarsson, Selfossi    139 (106+33)

4. Arnar Birkir Hálfdánsson, Fram    136 (72+64)

5. Anton Rúnarsson, Val    134 (78+56)

6. Sigurbergur Sveinsson, ÍBV    118 (67+51)

7. Ásbjörn Friðriksson, FH    114 (77+37)

8. Daníel Ingason, Haukum    112 (82+30)

9. Aron Dagur Pálsson, Stjörnunni    111 (58+53)

10. Elvar Ásgeirsson, Aftureldingu    109 (68+41)

10. Bergvin Þór Gíslason, ÍR    109 (77+32)

12. Gísli Þorgeir Kristjánsson, FH    103 (57+46)

13. Atli Már Báruson, Haukum    101 (53+48)

14. Haukur Þrastarson, Selfossi    100 (65+35)

15. Bjarni Ófeigur Valdimarsson, Gróttu    97 (66+31)

16. Breki Dagsson, Fjölni    95 (52+43)

17. Róbert Aron Hostert, ÍBV    89 (59+30)