Seinni bylgjan: Þetta sannar að Kolbeinn er ekki með áskrift af Stöð 2

Selfyssingurinn Teitur Örn Einarsson skoraði tíu mörk á móti Aftureldingu í gær en eitt marka hans vakti sérstaka athygli í umfjöllun um leikinn í Seinni bylgjunni.

Teitur skoraði þá með frábæru skoti framhjá Kolbeini Aroni Ingibjargarsyni en Tómas Þór Þórðarson, umsjónarmaður Seinni bylgjunnar benti þá á eitt.

„Þetta er glæsilegt mark og allt það en þetta bara sannar það að Kolbeinn er ekki með áskrift af Stöð 2,“ sagði Tómas Þór og sýndi síðan mark frá leik Selfoss og Vals í umferðinni á undan.

Teitur var þar á ferðinni með samskonar skot.

„Þetta gerðist í síðasta leik og þetta voru tilþrif umferðarinnar. Þetta var líka á internetinu, er Kolbeinn ekki með internetið,“ sagði Tómas Þór.

Það má sjá mörkin og umfjöllunina um þau í Seinni bylgjunni í spilaranum hér fyrir ofan.