Sigurbergur Sveinsson og Róbert Aron Hostert, leikmenn nýkrýndra bikarmeistara ÍBV, verða ekki með liðinu í kvöld gegn ÍR í Olís-deild karla ef marka má frétt Morgunblaðsins.
Tvímenningarnir, sem eru tveir af öflugustu leikmönnum liðsins, eru sagðir hafa gengið full geyst fram í fögnuði Eyjamanna eftir sigurinn á Fram í bikarúrslitum og heimildir herma að þeir verði ekki í leikmannahópnum í kvöld.
Það eru ekki einu slæmu tíðindin úr Eyjum þessa vikuna því eins og Vísir greindi fyrstur frá þá er Theodór Sigurbjörnsson á meiðslalistanum eftir að hafa orðið fyrir árás af fyrrum aðstoðarþjálfara liðsins.
Það eru stór próf framundan hjá ÍBV því þeir eru enn í góðu færi að verða deildarmeistarar og einnig eru þeir enn að keppa í Áskorendakeppni Evróðu svo þetta eru ekki góðar fréttir af liðinu fyrir komandi leiki.
Leiknum í kvöld verður að sjálfsögðu lýst á Vísi og er einnig í beinni útsendingu á Stöð 2 Sport.
Stórstjörnur ÍBV í agabann
Tengdar fréttir
Aðstoðarþjálfari ÍBV stígur til hliðar eftir að hafa ráðist á leikmann
Sigurður Bragason víkur um óákveðinn frá öllum störfum innan félagsins.
Aðstoðarþjálfari ÍBV gisti fangageymslur eftir bikarfögnuðinn
Karlalið ÍBV varð bikarmeistari um helgina. Fögnuðurinn gekk þó ekki áfallalaust fyrir sig.
