Woods byrjaði daginn einu höggi á eftir Kanadamanninum Corey Conners sem hafði leitt mótið alla helgina en Woods hefur ekki unnið mót síðan árið 2013.
Fyrir síðustu þrjár holurnar var Englendingurinn Paul Casey með tveggja högga forystu á Tiger Woods, en hann kom í hús rúmum klukkutíma á undan Woods.
Loka holurnar þrjár á vellinum í Flórída eru mjög erfiðar og gefa ekki mörg færi á fuglum. Woods nýtti hins vegar alla reynslu sína og setti niður glæsilegt pútt fyrir fugli á 17. holu og minnkaði forskot Casey niður í eitt högg.
Hann náði að stilla upp langt pútt fyrir fugli á 18. holunni og hefði getað tryggt sér bráðabana hefði hann sett það ofan í, en var of stuttur og Casey fór með sigurinn.
TIGER WOODS!!!!!
1. Shot. Back. #QuickHitspic.twitter.com/EzmFJvu0sN
— PGA TOUR (@PGATOUR) March 11, 2018
Woods endaði í 2.-3. sæti með landa sínum Patrick Reed á níu höggum undir pari.
Reed var jafn Casey í forystunni fyrir loka holuna en þar lenti hann í vandræðum og fékk skolla.
Conners átti virkilega slæman dag í dag og endaði mótið í 16.-27. sæti á þremur höggum undir pari, en hann fór hringinn í dag á 6 höggum yfir pari.
Golf is heartbreaking.
Patrick Reed will finish short by 1.#QuickHitspic.twitter.com/gzFzrDMDor
— PGA TOUR (@PGATOUR) March 11, 2018
