Grunur um salmonellu í grísahakki

Matvælastofnun varar við neyslu á grísahakki vegna gruns um salmonellu. Fyrirtækið Síld og fiskur ehf. hefur, í samráði við Matvælastofnun, innkallað af markaði þrjár framleiðslulotur af grísahakki. Verslanir hafa brugðist skjótt við og fjarlægt hakkið af markaði.

Eftirfarandi upplýsingar auðkenna vörurnar sem innköllunin einskorðast við:

• Vöruheiti: Grísahakk 
• Vörumerki: Ali 
• Pökkunardagsetning: 21.3.18, 22.3.18, 23.3.18 
• Geymsluskilyrði: Kælivara (0-4°C) 
• Dreifing: Bónus og Iceland 
• Framleiðandi: Síld og fiskur ehf
  
  

 Neytendur sem keypt hafa grísahakk með þessum pökkunardagsetningum eru beðnir um að skila því í viðkomandi verslun eða til Síldar og fisks ehf., Dalshrauni 9b, 220 Hafnarfirði.