Foreldrar langveikra barna lögðu Sjóvá Jóhann Óli Eiðsson skrifar 21. mars 2018 05:45 Sjóvá bauð fyrst tryggingafélaga upp á að tryggja börn sem glímdu við langvinna sjúkdóma. Vísir/Arnþór Fernir foreldrar langveikra barna leituðu undanfarin tvö ár til úrskurðarnefndar í vátryggingamálum (ÚNVá) til að sækja bætur eftir lát barns síns. Sölumenn tryggingafélagsins sem um ræðir, Sjóvár, höfðu tjáð foreldrunum að tryggingin tæki til barna þeirra þrátt fyrir sjúkrasögu þeirra. Atvik málanna fjögurra eru áþekk. Foreldrarnir segja að í ársbyrjun 2015 hafi þau fengið hringingu þar sem þeim var boðið að kaupa barnatryggingu hjá Sjóvá. Í tilfelli tveggja barna hafði tryggingu verið hafnað af félaginu eða hún felld niður vegna veikinda þeirra. Hin nýja afstaða félagsins var vegna nýs verklags þess við sölu á barnatryggingum. Börnin fjögur sem um ræðir önduðust öll innan fimmtán mánaða frá því að tryggingin var keypt. Þegar foreldrarnir kröfðust dánar- og umönnunarbóta úr tryggingununum hafnaði Sjóvá því að það bæri ábyrgð. Var það gert þar sem skilmálar tryggingarinnar segja að hún taki ekki til sjúkdóma sem fyrir voru auk þess sem félagið taldi foreldrana hafa veitt rangar upplýsingar um heilsu barnanna á þeim tíma sem tryggingin var tekin. ÚNVá taldi ljóst að það hefði haft úrslitaáhrif fyrir foreldrana að þeir töldu að vátryggingin hefði tekið til heilsufars barnanna eins og það var við það tímamark er trygging var tekin. Þótti ósannað, gegn andmælum Sjóvár, að félagið hefði gert foreldrunum grein fyrir því að tryggingin tæki ekki til kvilla sem voru til staðar fyrir töku tryggingarinnar. Þessi mál eru afar erfið og samúð okkar er með fjölskyldum barnanna. Sjóvá unir niðurstöðu úrskurðarnefndarinnar í málunum og hefur greitt út fullar bætur í samræmi við hana,“ segir Sigurjón Andrésson, markaðsstjóri Sjóvár.Magnús Tindri ásamt syni sínum, Xavier Tindra.Úr einkasafni„Í desember árið 2014 fengum við það svar að ekki væri hægt að tryggja barnið vegna veikinda. Því vorum við mjög hissa að fá símtal fáum mánuðum síðar þar sem okkur var boðin sama trygging,“ segir Magnús Tindri Sigurðarson. Sonur Magnúsar, Xavier Tindri Miles-Magnússon, lést í ágúst 2015. Þá var Xavier rúmra fimm ára gamall. Þegar hann var fjögurra mánaða gamall varð hann fyrir súrefnisskorti og hlaut af því heilaskaða. Afleiðingar þess urðu að lokum til þess að hann andaðist. Sem áður segir var Magnúsi boðið að kaupa tryggingu fyrir syni sína í desember 2014 en þá var ekki unnt að tryggja Xavier. Varð það úr að Magnús keypti aðeins tryggingu fyrir yngri son sinn. Snemma á árinu 2015 fæddist honum og eiginkonu hans annað barn. „Síðan hringdi tryggingasölumaður í okkur í maí og sagði að hann sæi að ég ætti þrjú börn en aðeins eitt þeirra væri tryggt hjá okkur. Spurði hann hví það væri svo,“ segir Magnús. Hann svaraði því að yngsta barnið væri nýfætt og elsti sonur hans væri mjög veikur. Honum hefði áður verið tjáð að ekki væri unnt að tryggja hann. „Sölumaðurinn sagði mér stoltur að þau væru eina fyrirtækið sem tryggði langveik börn líka,“ segir Magnús. Þegar hann sótti um bætur vegna láts sonar síns fékk hann hins vegar þau svör að tryggingin tæki samkvæmt skilmálum ekki til sjúkdóma eða kvilla sem hefðu verið til staðar fyrir töku hennar.Sigurjón Andrésson, markaðsstjóri Sjóvár.„Vegna ábendinga frá viðskiptavinum breyttum við verklagi við töku tryggingarinnar í þeim tilgangi að öllum foreldrum yrði gefinn jafn kostur á að tryggja börnin sín fyrir óvæntum áföllum. Þegar Sjóvá hóf að bjóða barnatryggingar gátu foreldrar langveikra barna alla jafna ekki fengið trygginguna fyrir þau,“ segir fyrrnefndur Sigurjón Andrésson. „Barnatryggingunni okkar var þó aldrei ætlað, frekar en öðrum persónutryggingum, að innifela vernd vegna meðfæddra eða þekktra sjúkdóma og er það skýrt tekið fram í skilmálum og kynningarefni.“ Sigurjón segir að téð ákvæði skilmála barnatryggingarinnar sé hið sama nú og þá. Verklagi við sölu trygginga hjá félaginu hafi hins vegar verið breytt á þann veg að verktakar selja ekki lengur tryggingar félagsins. „Ég hefði aldrei tekið þessa tryggingu ef ég hefði vitað fyrir fram að það væri svo. Það er voðalega leiðinlegt að þurfa að fara í stríð meðan maður er að syrgja barnið sitt. Réttlætiskennd mín segir mér að rétt sé að segja frá málinu til að reyna að forða því að aðrir foreldrar lendi í því sem henti okkur,“ segir Magnús. Birtist í Fréttablaðinu Tryggingar Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent „Samfélagsleg ábyrgð þessa fyrirtækis virðist ekki vera nein“ Innlent Rektorar allra íslenskra háskóla lýsa yfir miklum áhyggjum Innlent Krefst aðkomu Vinstri grænna að endurmótun varnarmálastefnu Innlent Formaður og gjaldkeri Vorstjörnunnar kærð fyrir efnahagsbrot Innlent Tugir missa vinnuna í sumar Innlent Ekki gagnlegt að stilla fyrirtækjum upp gegn starfsfólki Innlent Óákveðin hvort hún fari aftur fram fyrir Sósíalista: „Mér finnst þetta bara orðið bull“ Innlent Fleiri fréttir Ekkert samkomulag í höfn enn um þinglok Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Sjá meira
Fernir foreldrar langveikra barna leituðu undanfarin tvö ár til úrskurðarnefndar í vátryggingamálum (ÚNVá) til að sækja bætur eftir lát barns síns. Sölumenn tryggingafélagsins sem um ræðir, Sjóvár, höfðu tjáð foreldrunum að tryggingin tæki til barna þeirra þrátt fyrir sjúkrasögu þeirra. Atvik málanna fjögurra eru áþekk. Foreldrarnir segja að í ársbyrjun 2015 hafi þau fengið hringingu þar sem þeim var boðið að kaupa barnatryggingu hjá Sjóvá. Í tilfelli tveggja barna hafði tryggingu verið hafnað af félaginu eða hún felld niður vegna veikinda þeirra. Hin nýja afstaða félagsins var vegna nýs verklags þess við sölu á barnatryggingum. Börnin fjögur sem um ræðir önduðust öll innan fimmtán mánaða frá því að tryggingin var keypt. Þegar foreldrarnir kröfðust dánar- og umönnunarbóta úr tryggingununum hafnaði Sjóvá því að það bæri ábyrgð. Var það gert þar sem skilmálar tryggingarinnar segja að hún taki ekki til sjúkdóma sem fyrir voru auk þess sem félagið taldi foreldrana hafa veitt rangar upplýsingar um heilsu barnanna á þeim tíma sem tryggingin var tekin. ÚNVá taldi ljóst að það hefði haft úrslitaáhrif fyrir foreldrana að þeir töldu að vátryggingin hefði tekið til heilsufars barnanna eins og það var við það tímamark er trygging var tekin. Þótti ósannað, gegn andmælum Sjóvár, að félagið hefði gert foreldrunum grein fyrir því að tryggingin tæki ekki til kvilla sem voru til staðar fyrir töku tryggingarinnar. Þessi mál eru afar erfið og samúð okkar er með fjölskyldum barnanna. Sjóvá unir niðurstöðu úrskurðarnefndarinnar í málunum og hefur greitt út fullar bætur í samræmi við hana,“ segir Sigurjón Andrésson, markaðsstjóri Sjóvár.Magnús Tindri ásamt syni sínum, Xavier Tindra.Úr einkasafni„Í desember árið 2014 fengum við það svar að ekki væri hægt að tryggja barnið vegna veikinda. Því vorum við mjög hissa að fá símtal fáum mánuðum síðar þar sem okkur var boðin sama trygging,“ segir Magnús Tindri Sigurðarson. Sonur Magnúsar, Xavier Tindri Miles-Magnússon, lést í ágúst 2015. Þá var Xavier rúmra fimm ára gamall. Þegar hann var fjögurra mánaða gamall varð hann fyrir súrefnisskorti og hlaut af því heilaskaða. Afleiðingar þess urðu að lokum til þess að hann andaðist. Sem áður segir var Magnúsi boðið að kaupa tryggingu fyrir syni sína í desember 2014 en þá var ekki unnt að tryggja Xavier. Varð það úr að Magnús keypti aðeins tryggingu fyrir yngri son sinn. Snemma á árinu 2015 fæddist honum og eiginkonu hans annað barn. „Síðan hringdi tryggingasölumaður í okkur í maí og sagði að hann sæi að ég ætti þrjú börn en aðeins eitt þeirra væri tryggt hjá okkur. Spurði hann hví það væri svo,“ segir Magnús. Hann svaraði því að yngsta barnið væri nýfætt og elsti sonur hans væri mjög veikur. Honum hefði áður verið tjáð að ekki væri unnt að tryggja hann. „Sölumaðurinn sagði mér stoltur að þau væru eina fyrirtækið sem tryggði langveik börn líka,“ segir Magnús. Þegar hann sótti um bætur vegna láts sonar síns fékk hann hins vegar þau svör að tryggingin tæki samkvæmt skilmálum ekki til sjúkdóma eða kvilla sem hefðu verið til staðar fyrir töku hennar.Sigurjón Andrésson, markaðsstjóri Sjóvár.„Vegna ábendinga frá viðskiptavinum breyttum við verklagi við töku tryggingarinnar í þeim tilgangi að öllum foreldrum yrði gefinn jafn kostur á að tryggja börnin sín fyrir óvæntum áföllum. Þegar Sjóvá hóf að bjóða barnatryggingar gátu foreldrar langveikra barna alla jafna ekki fengið trygginguna fyrir þau,“ segir fyrrnefndur Sigurjón Andrésson. „Barnatryggingunni okkar var þó aldrei ætlað, frekar en öðrum persónutryggingum, að innifela vernd vegna meðfæddra eða þekktra sjúkdóma og er það skýrt tekið fram í skilmálum og kynningarefni.“ Sigurjón segir að téð ákvæði skilmála barnatryggingarinnar sé hið sama nú og þá. Verklagi við sölu trygginga hjá félaginu hafi hins vegar verið breytt á þann veg að verktakar selja ekki lengur tryggingar félagsins. „Ég hefði aldrei tekið þessa tryggingu ef ég hefði vitað fyrir fram að það væri svo. Það er voðalega leiðinlegt að þurfa að fara í stríð meðan maður er að syrgja barnið sitt. Réttlætiskennd mín segir mér að rétt sé að segja frá málinu til að reyna að forða því að aðrir foreldrar lendi í því sem henti okkur,“ segir Magnús.
Birtist í Fréttablaðinu Tryggingar Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent „Samfélagsleg ábyrgð þessa fyrirtækis virðist ekki vera nein“ Innlent Rektorar allra íslenskra háskóla lýsa yfir miklum áhyggjum Innlent Krefst aðkomu Vinstri grænna að endurmótun varnarmálastefnu Innlent Formaður og gjaldkeri Vorstjörnunnar kærð fyrir efnahagsbrot Innlent Tugir missa vinnuna í sumar Innlent Ekki gagnlegt að stilla fyrirtækjum upp gegn starfsfólki Innlent Óákveðin hvort hún fari aftur fram fyrir Sósíalista: „Mér finnst þetta bara orðið bull“ Innlent Fleiri fréttir Ekkert samkomulag í höfn enn um þinglok Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Sjá meira