D-listinn tapar meirihlutanum í Eyjum Jón Hákon Halldórsson og Sveinn Arnarsson skrifa 24. apríl 2018 05:30 Það virðist stefna í nokkuð mikla endurnýjun í Eyjum. Vísir/Vilhelm Elliði Vignisson, bæjarstjóri í Vestmannaeyjum, næði ekki kjöri í bæjarstjórn ef kosið yrði nú. Þetta sýna niðurstöður nýrrar skoðanakönnunar sem Fréttablaðið og frettabladid.is hafa gert. Samkvæmt könnuninni fengi Sjálfstæðisflokkurinn rúm 41 prósent. Nýtt framboð, sem heitir Fyrir Heimaey, fengi tæp 32 prósent. Þá fengi Eyjalistinn rúm 25 prósent. Fyrir Heimaey er klofningsframboð út úr Sjálfstæðisflokknum, en Eyjalistinn er sameinað framboð fólks úr Bjartri framtíð, Framsóknarflokki, Samfylkingu, Vinstri hreyfingunni – grænu framboði og óflokksbundnum að auki. Kosið verður um sjö bæjarfulltrúa í Vestmannaeyjum. Ef niðurstaða kosninga yrði í takti við þá skoðanakönnun sem Fréttablaðið og frettabladid.is gerðu myndi Sjálfstæðisflokkurinn fá kjörna þrjá menn en Fyrir Heimaey og Eyjalistinn myndu fá tvo menn hvort framboð. Elliði Vignisson er í fimmta sæti Sjálfstæðisflokksins fyrir kosningarnar. Hann segir í samtali við Fréttablaðið í dag að Sjálfstæðisflokkurinn stefni á að fá fjóra menn kjörna og býst því ekki við að verða kjörinn bæjarfulltrúi. Hann er þó bæjarstjóraefni listans. „Í aðdraganda frágangs listans komu fram vangaveltur um lýðræðishalla, um að sami einstaklingur sé í forsæti og bæjarstjóraefni og jafnframt með langmestu reynsluna,“ segir hann.Aðferðin Könnunin var gerð þannig að hringt var í 778 manns með lögheimili í Vestmannaeyjum þar til náðist í 604 samkvæmt lagskiptu úrtaki 23. apríl. Svarhlutfallið var 77,6 prósent. Þátttakendur voru valdir með slembiúrtaki úr þjóðskrá. Svarendur skiptust jafnt eftir kyni, og hlutfallslega eftir aldri. Alls tóku 53,5 prósent þeirra sem náðist í afstöðu til spurningarinnar. Þá voru 9,4 prósent sem sögðust ekki ætla að kjósa eða ætla að skila auðu, 13,5 prósent sögðust óákveðin og 23,6 prósent vildu ekki svara spurningunni. Stefnir í nokkuð mikla endurnýjun í Eyjum Mikil endurnýjun mun að öllum líkindum eiga sér stað í bæjarstjórn Vestmannaeyja á næsta kjörtímabili og líklegt þykir að fimm nýir sveitarstjórnarmenn taki sæti í bæjarstjórn að afloknum kosningum. Líklegt þykir að þrír listar bjóði fram í lok maí. Eyjalistinn og Sjálfstæðisflokkurinn voru einu flokkarnir sem buðu fram fyrir fjórum árum en nú bætist við klofningsframboð úr Sjálfstæðisflokknum sem ber nafnið „Fyrir Heimaey“. Öll framboðin þrjú leggja áherslu á lýðræði á næsta kjörtímabili. D-listi einn með völd Sjálfstæðisflokkurinn hefur verið með hreinan meirihluta í bæjarstjórn Vestmannaeyja síðan árið 2006, allt frá því að Elliði Vignisson settist í oddvitasæti Sjálfstæðismanna í bænum. Flokkurinn hefur nú skákað honum niður í fimmta sæti listans sem telst ólíklegt sæti í bæjarstjórn að afloknum sveitarstjórnarkosningum. Hann er þó enn bæjarstjóraefni flokksins og því stýrir hann kosningabaráttunni sumpart úr aftursætinu að þessu sinni. „Það er nánast öruggt að ég verð ekki bæjarfulltrúi, Við stefnum á fjóra bæjarfulltrúa og ég er enn bæjarstjóraefni flokksins,“ segir Elliði. „Fyrir þessu eru nokkrar ástæður. Í aðdraganda frágangs listans komu fram vangaveltur um lýðræðishalla um að sami einstaklingur sé í forsæti og bæjarstjóraefni og jafnframt með langmestu reynsluna.“„Því ákvað ég að stíga til hliðar og hleypa frambærilegu fólki ofar á listann.“Elliði Vignisson, bæjarstjóri í Vestmannaeyjum, gæti verið á útleið.Vísir/EyþórÁhersla á aukið lýðræði Íris Róbertsdóttir er oddviti hins nýja framboðs Fyrir Heimaey. Hún segir mikilvægt að auka lýðræði íbúanna og veita þeim aukinn aðgang að ákvarðanatökum í bænum. „Félagið er stofnað fyrir um tíu dögum á þeim grunni að fólk vilji bæta samfélagið og auka lýðræðisleg vinnubrögð. Við teljum að það sé hægt að gera betur í því að auka lýðræði íbú- anna. Umræðan hefur verið í þá átt að íbúar geti komið að ákvarðanatöku á fyrri stigum máls þegar stórar ákvarðanir eru teknar og að kjósendur hafi meira aðgengi og áhrif en aðeins á fjögurra ára fresti,“ segir Íris. „Það er það sem við vinnum eftir og viljum gera betur í þessum málum.“ Njáll Ragnarsson, oddviti Eyjalistans, tekur í sama streng og segir Eyjalistann setja aukið lýðræði og skólamál í forgang. „Okkur langar að taka til hendinni í skólamálum og tryggja að vel sé búið að kennslu í Vestmannaeyjum. Einnig skiptir okkur máli að auka lýðræðið í Vestmannaeyjum þar sem íbúar fái tækifæri til að koma að og hafa áhrif á ákvarðanatöku innan bæjarkerfisins. Fjármálin gengið vel Njáll, Íris og Elliði eru sammála um að rekstur sveitarfélagsins hafi gengið vel á síðustu árum. Oddvitar Eyjalistans og Fyrir Heimaey sjá ekki mikið athugavert við reksturinn. Elliði segir síðustu tólf ár ágætis vitnisburð um vel rekið sveitarfélag. „Frá því við tókum við fyrir tólf árum hefur gengið einmuna vel. Við höfum greitt niður um 90 prósent af lánum og skilað afgangi á hverju ári á kjörtímabilinu sem nú er að líða,“ segir Elliði. „Á sama tíma höfum við aukið þjónustustigið í samfélaginu. Þetta hefur allt gerst á forsendum samstarfs, bæði innan meirihlutans og við minnihlutann. Af þessu erum við stolt.“ Birtist í Fréttablaðinu Sveitarstjórnarkosningar Mest lesið Hefur sætt umsáturseinelti í 14 ár: „Þetta hefur bara rústað lífi mínu“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fimm handteknir í aðgerðum sérsveitar Innlent Sérsveitin vaktaði heimili Snorra og fjölskyldu í nótt Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Guðrún Björk Kristmundsdóttir hjá Bæjarins beztu er látin Innlent Öryrkjar í hlutastarfi oft tekjuhærri en fólk í fullu starfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira
Elliði Vignisson, bæjarstjóri í Vestmannaeyjum, næði ekki kjöri í bæjarstjórn ef kosið yrði nú. Þetta sýna niðurstöður nýrrar skoðanakönnunar sem Fréttablaðið og frettabladid.is hafa gert. Samkvæmt könnuninni fengi Sjálfstæðisflokkurinn rúm 41 prósent. Nýtt framboð, sem heitir Fyrir Heimaey, fengi tæp 32 prósent. Þá fengi Eyjalistinn rúm 25 prósent. Fyrir Heimaey er klofningsframboð út úr Sjálfstæðisflokknum, en Eyjalistinn er sameinað framboð fólks úr Bjartri framtíð, Framsóknarflokki, Samfylkingu, Vinstri hreyfingunni – grænu framboði og óflokksbundnum að auki. Kosið verður um sjö bæjarfulltrúa í Vestmannaeyjum. Ef niðurstaða kosninga yrði í takti við þá skoðanakönnun sem Fréttablaðið og frettabladid.is gerðu myndi Sjálfstæðisflokkurinn fá kjörna þrjá menn en Fyrir Heimaey og Eyjalistinn myndu fá tvo menn hvort framboð. Elliði Vignisson er í fimmta sæti Sjálfstæðisflokksins fyrir kosningarnar. Hann segir í samtali við Fréttablaðið í dag að Sjálfstæðisflokkurinn stefni á að fá fjóra menn kjörna og býst því ekki við að verða kjörinn bæjarfulltrúi. Hann er þó bæjarstjóraefni listans. „Í aðdraganda frágangs listans komu fram vangaveltur um lýðræðishalla, um að sami einstaklingur sé í forsæti og bæjarstjóraefni og jafnframt með langmestu reynsluna,“ segir hann.Aðferðin Könnunin var gerð þannig að hringt var í 778 manns með lögheimili í Vestmannaeyjum þar til náðist í 604 samkvæmt lagskiptu úrtaki 23. apríl. Svarhlutfallið var 77,6 prósent. Þátttakendur voru valdir með slembiúrtaki úr þjóðskrá. Svarendur skiptust jafnt eftir kyni, og hlutfallslega eftir aldri. Alls tóku 53,5 prósent þeirra sem náðist í afstöðu til spurningarinnar. Þá voru 9,4 prósent sem sögðust ekki ætla að kjósa eða ætla að skila auðu, 13,5 prósent sögðust óákveðin og 23,6 prósent vildu ekki svara spurningunni. Stefnir í nokkuð mikla endurnýjun í Eyjum Mikil endurnýjun mun að öllum líkindum eiga sér stað í bæjarstjórn Vestmannaeyja á næsta kjörtímabili og líklegt þykir að fimm nýir sveitarstjórnarmenn taki sæti í bæjarstjórn að afloknum kosningum. Líklegt þykir að þrír listar bjóði fram í lok maí. Eyjalistinn og Sjálfstæðisflokkurinn voru einu flokkarnir sem buðu fram fyrir fjórum árum en nú bætist við klofningsframboð úr Sjálfstæðisflokknum sem ber nafnið „Fyrir Heimaey“. Öll framboðin þrjú leggja áherslu á lýðræði á næsta kjörtímabili. D-listi einn með völd Sjálfstæðisflokkurinn hefur verið með hreinan meirihluta í bæjarstjórn Vestmannaeyja síðan árið 2006, allt frá því að Elliði Vignisson settist í oddvitasæti Sjálfstæðismanna í bænum. Flokkurinn hefur nú skákað honum niður í fimmta sæti listans sem telst ólíklegt sæti í bæjarstjórn að afloknum sveitarstjórnarkosningum. Hann er þó enn bæjarstjóraefni flokksins og því stýrir hann kosningabaráttunni sumpart úr aftursætinu að þessu sinni. „Það er nánast öruggt að ég verð ekki bæjarfulltrúi, Við stefnum á fjóra bæjarfulltrúa og ég er enn bæjarstjóraefni flokksins,“ segir Elliði. „Fyrir þessu eru nokkrar ástæður. Í aðdraganda frágangs listans komu fram vangaveltur um lýðræðishalla um að sami einstaklingur sé í forsæti og bæjarstjóraefni og jafnframt með langmestu reynsluna.“„Því ákvað ég að stíga til hliðar og hleypa frambærilegu fólki ofar á listann.“Elliði Vignisson, bæjarstjóri í Vestmannaeyjum, gæti verið á útleið.Vísir/EyþórÁhersla á aukið lýðræði Íris Róbertsdóttir er oddviti hins nýja framboðs Fyrir Heimaey. Hún segir mikilvægt að auka lýðræði íbúanna og veita þeim aukinn aðgang að ákvarðanatökum í bænum. „Félagið er stofnað fyrir um tíu dögum á þeim grunni að fólk vilji bæta samfélagið og auka lýðræðisleg vinnubrögð. Við teljum að það sé hægt að gera betur í því að auka lýðræði íbú- anna. Umræðan hefur verið í þá átt að íbúar geti komið að ákvarðanatöku á fyrri stigum máls þegar stórar ákvarðanir eru teknar og að kjósendur hafi meira aðgengi og áhrif en aðeins á fjögurra ára fresti,“ segir Íris. „Það er það sem við vinnum eftir og viljum gera betur í þessum málum.“ Njáll Ragnarsson, oddviti Eyjalistans, tekur í sama streng og segir Eyjalistann setja aukið lýðræði og skólamál í forgang. „Okkur langar að taka til hendinni í skólamálum og tryggja að vel sé búið að kennslu í Vestmannaeyjum. Einnig skiptir okkur máli að auka lýðræðið í Vestmannaeyjum þar sem íbúar fái tækifæri til að koma að og hafa áhrif á ákvarðanatöku innan bæjarkerfisins. Fjármálin gengið vel Njáll, Íris og Elliði eru sammála um að rekstur sveitarfélagsins hafi gengið vel á síðustu árum. Oddvitar Eyjalistans og Fyrir Heimaey sjá ekki mikið athugavert við reksturinn. Elliði segir síðustu tólf ár ágætis vitnisburð um vel rekið sveitarfélag. „Frá því við tókum við fyrir tólf árum hefur gengið einmuna vel. Við höfum greitt niður um 90 prósent af lánum og skilað afgangi á hverju ári á kjörtímabilinu sem nú er að líða,“ segir Elliði. „Á sama tíma höfum við aukið þjónustustigið í samfélaginu. Þetta hefur allt gerst á forsendum samstarfs, bæði innan meirihlutans og við minnihlutann. Af þessu erum við stolt.“
Birtist í Fréttablaðinu Sveitarstjórnarkosningar Mest lesið Hefur sætt umsáturseinelti í 14 ár: „Þetta hefur bara rústað lífi mínu“ Innlent Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Fimm handteknir í aðgerðum sérsveitar Innlent Sérsveitin vaktaði heimili Snorra og fjölskyldu í nótt Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent Guðrún Björk Kristmundsdóttir hjá Bæjarins beztu er látin Innlent Öryrkjar í hlutastarfi oft tekjuhærri en fólk í fullu starfi Innlent Fleiri fréttir Sveitarstjórn reyni að skrá íbúa úr sveitarfélaginu og ógni grundvallarréttindum Skoða að efla geðheilbrigðisþjónustu á Austurlandi eftir röð áfalla Kjölur ekki á dagskrá Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Sjá meira