Birgir Björn Magnússon, GK, og Ragnhildur Kristinsdóttir, GR, eru með forystuna fyrir lokahringinn á Símamótinu sem leikið er á Hlíðavelli um helgina.
Fyrir lokahringinn er Birgir Björn með eins höggs forskot á Kristján Þór Einarsson, heimamann úr GM, en Birgir Björn hefur spilað fyrstu hringina tvo á sjö undir pari.
Nokkuð er svo í næstu menn en þeir Sigurður Bjarki Blumenstein, Sverrir Haraldsson og Ingvar Andri Magnússon eru allir á einu höggi undir pari eftir hringina tvo.
Í kvennaflokki er eins og áður segir Ragnhildur með forystuna en hún hefur spilað hringina tvo á sjö yfir pari. Næst kemur Helga Kristín Einarsdóttir á átta yfir pari og í þriðja sæti er Saga Traustadóttir át ólf yfir.
Lokahringurinn fer fram á morgun en mótið er hluti af Eimskipsmótaröðinni 2017/2018. Þetta er fjórða mótið í mótaröðinni en afar erfiðar aðstæður voru í Mosfellsbæ í dag.
Birgir Björn og Ragnhildur leiða fyrir lokahringinn
