Viðskipti innlent

Keyptu á KFC fyrir 3 milljarða

Kristinn Ingi Jónsson skrifar
Helgi Vilhjálmsson, eigandi KFC á Íslandi.
Helgi Vilhjálmsson, eigandi KFC á Íslandi. Fréttablaðið/Sigtryggur Ari
Skyndibitakeðjan KFC á Íslandi hagnaðist um tæpar 138 milljónir króna á síðasta ári og dróst hagnaðurinn saman um 21 milljón króna frá fyrra ári, samkvæmt nýjum ársreikningi KFC ehf. sem rekur átta veitingastaði á höfuðborgarsvæðinu, Selfossi og í Keflavík.

Alls nam vörusala keðjunnar tæpum 3,1 milljarði króna í fyrra og jókst hún um sex prósent á milli ára.

Stjórn félagsins leggur til að ekki verði greiddur arður til hluthafa á árinu. Helgi Vilhjálmsson, kenndur við Góu, er eini eigandi og framkvæmdastjóri félagsins.



Birtist í Fréttablaðinu


Mest lesið


Fleiri fréttir

Sjá meira


×

Mest lesið