Pepsimörkin: KA hefði átt að klára dæmið

Það vantaði ekki dramatíkina á Akureyri í gær þegar Valur tryggði sér stig gegn KA á elleftu stundu.

Landsliðsbakvörðurinn Birkir Már Sævarsson fékk þá aukaspyrnu rétt fyrir utan vítateig í uppbótartíma.

Kristinn Freyr Sigurðsson tók spyrnuna og á endanum fékk Valur aðra aukaspyrnu út við hornfána. Sending fyrir og þar var Birkir Már mættur til þess að stanga boltann í netið.

„KA hefði vel getað siglt út og unnið þennan leik 3-2. Þeir voru komnir í það góða stöðu að þeir hefðu átt að klára dæmið en voru vissulega að spila við mjög gott lið,“ sagði Þorvaldur Örlygsson.

Sjá má markið og aðdragandann hér að neðan.