Frá 5. nóvember næstkomandi mun WOW Air hætta að fljúga til Stokkhólms, Edinborgar og San Francisco. Félagið segir að til standi að hefja aftur áætlunarflug til borganna í aprílbyrjun á næsta ári.
Í tilkynningu frá WOW kemur fram að ákvörðunin sé tilraun til að ná fram aukinni hagræðingu í rekstri flugfélagsins.
„Eins og þegar hefur komið fram verður seinkun á afhendingu á tveimur glænýjum Airbus A330neo vélum sem áttu að koma í nóvember en koma núna ekki fyrr en í lok febrúar. Fyrir vikið neyðist félagið til þess að gera breytingar á leiðarkerfi félagsins í vetur,“ segir í tilkynningunni.
Sem fyrr segir verða síðustu ferðir farnar til Stokkhólms, Edinborgar og San Francisco þann 5. nóvember næstkomandi. Haft verður samband við alla farþega sem eiga í hlut, þeim boðin endurgreiðsla eða að gera breytingar á ferðahögun sinni án þess að greiða breytingargjald.
Vonir WOW standa jafnframt til að hægt verði að hefja aftur áætlunarflug til borganna í apríl, sem fyrr segir.
WOW hættir að fljúga til þriggja borga
Tengdar fréttir
„Það sem WOW er að gera er ekki neitt óvenjulegt“
Sérfræðingur hjá Hagfræðideild Landsbankans segir ekkert óvenjulegt við að WOW air hafi farið þá leið að ráðast í skuldabréfaútboð og stefni á hlutabréfamarkað.
Greiða 1.000 krónur með hverjum farþega
Íslensku flugfélögin greiða um eitt þúsund krónur með hverjum farþega. Ef félögin bregðast við og hækka verð gæti ferðamönnum hér á landi fækkað umtalsvert.
