Tvær dramatískar endurkomur Selfyssinga á móti Haukunum í fyrra

Haukar taka í kvöld á móti toppliði Selfoss í stórleik kvöldsins í Olís deild karla í handbolta en áttundu umferðinni lýkur með þessum leik í Schenkerhöllinni á Ásvöllum. Leikurinn verður í beinni á Stöð 2 Sport og hefst klukkan 19.30.

Selfossliðið vann báða deildarleiki liðanna í fyrra en í þeim báðum voru Haukarnir yfir í hálfleik en Selfyssingar síðan sterkari á spennuþrungnum lokamínútum.

Það var mikil spenna í leikjunum tveimur sem lofar góðu fyrir leik kvöldsins. Seinni bylgjan mun síðan fara yfir þennan leik sem og alla umferðina eftir leikinn.

Í báðum leikjum í fyrra var dramatíkin allsráðandi í lokin og í þeim báðum skoruðu Selfyssingar sigurmörk. Alexander Már Egan skoraði sigurmarkið á Ásvöllum í október en Elvar Örn Jónsson skoraði sigurmarkið á Selfossi í febrúar.

Haukar voru fimm mörkum yfir í hálfleik, 13-8, í fyrri leiknum á Ásvöllum en Selfossliðið vann seinni hálfleikinn 16-10 og þar með leikinn 24-23.

Í seinni leiknum voru Haukarnir reyndar aðeins einu marki yfir í hálfleik, 14-13, en voru enn þremur mörkum yfir, 25-22, þegar rúmar fjórar mínútur voru eftir. Selfyssingar tryggðu sér sigurinn með því að skora fjögur síðustu mörkin.

Haukarnir ættu heldur betur að vera brenndir af þessum tveimur leikjum í fyrra þar sem þeir voru yfir stóran hlut leiksins en uppskáru engin stig. Það verður því fróðlegt að sjá hvað Haukarnir gera í kvöld og hvort þeim takist að hefna fyrir hrakfarirnar í fyrra.

Hér fyrir neðan má síðan sjá hvernig Selfyssingar snéru við þessum tveimur leikjum á móti Haukum í deildarkeppnini á síðasta tímabili.



Lokamínúturnar á Selfossi 18. febrúar 2018

Staðan er 25-22 fyrir Haukum egar rúmar fjórar mínútur eru eftir



[S] Haukur Þrastarson skorar fyrir Selfoss (23-25)

[S] Haukur Þrastarson skorar fyrir Selfoss (24-25)

[S] Haukur Þrastarson skorar fyrir Selfoss (25-25)

[S] Elvar Örn Jónsson skorar sigurmark Selfoss (26-25)

4-0 kafli hjá Selfossi

Selfoss vinnur leikinn 26-25



Súðustu 25 mínúturnar á Ásvöllum 22. október 2017

Staðan er 16-10 fyrir Haukum þegar 25 mínútur eru eftir

[S] Teitur Örn Einarsson skorar fyrir Selfoss (11-16)

[S] Teitur Örn Einarsson skorar fyrir Selfoss (12-16)

[S] Hergeir Grímsson skorar fyrir Selfoss (13-16)

[S] Alexander Már Egan skorar fyrir Selfoss (14-16)

[S] Elvar Örn Jónsson skorar fyrir Selfoss (15-16)

[S] Elvar Örn Jónsson skorar fyrir Selfoss (16-16)

[S] Elvar Örn Jónsson skorar fyrir Selfoss (17-16)

Hákon Daði Styrmisson skorar fyrir Hauka (17-17)

[S] Elvar Örn Jónsson skorar fyrir Selfoss (18-17)

Daníel Þór Ingason  skorar fyrir Hauka (18-18)

Daníel Þór Ingason  skorar fyrir Hauka (18-19)

[S] Hergeir Grímsson skorar fyrir Selfoss (19-19)

Daníel Þór Ingason skorar fyrir Hauka (19-20)

[S] Elvar Örn Jónsson skorar fyrir Selfoss (20-20)

Atli Már Báruson skorar fyrir Hauka (20-21)

[S] Atli Ævar Ingólfsson skorar fyrir Selfoss (21-21)

[S] Alexander Már Egan skorar fyrir Selfoss (22-21)

Daníel Þór Ingason skorar fyrir Hauka (22-22)

[S] Haukur Þrastarson skorar fyrir Selfoss (23-22)

Heimir Óli Heimisson skorar fyrir Hauka (23-23)

[S] Alexander Már Egan skorar sigurmark Selfoss (24-23)

14-8 kafli hjá Selfossi

Selfoss vinnur leikinn 24-23