Vann 30 milljónir í Happdrætti HÍ

Einn heppinn miðaeigandi fékk þrefaldan vinning í milljónaveltu Happdrættis Háskóla Íslands og fær 30 milljónir króna í sinn hlut en dregið var í kvöld. Annar heppinn miðaeigandi fékk 5 milljónir króna í aðalútdrættinum, fimm heppnir miðaeigendur fengu eina milljón hver og níu 500 þúsund króna í vinning.

Rúmlega 3.000 heppnir miðaeigendur hafa ástæðu til að gleðjast eftir útdrátt desember mánaðar hjá Happdrætti Háskólans en þeir skipta með sér 121 milljón króna.

Á árinu hefur Happdrætti Háskólans fjölgað heppnum Íslendingum um rúmlega 40 þúsund talsins og hafa þeir skipt með sér rúmlega 1,4 milljarði króna í vinninga.