Sigmundur Davíð „fáviti“ að mati þingmanns Pírata Kjartan Kjartansson skrifar 5. janúar 2019 17:34 Birni Leví (t.v.) finnst lítið til gagnrýni Sigmundar Davíðs á íslenska stjórnmálaþróun koma. Vísir Björn Leví Gunnarsson, þingmaður Pírata, segir Sigmund Davíð Gunnlaugsson, formann Miðflokksins og fyrrverandi forsætisráðherra, einn helsta notanda þeirrar ræðutækni sem hann sakar aðra um að beita. Telur píratinn að Sigmundur Davíð hafi skilið eftir sig slóð „ósanninda og þvælu“ og kallar hann „fávita“. Tilefni gagnrýni Björns er áramótagrein sem Sigmundur Davíð ritaði í Morgunblaðið. Þar varar fyrrverandi forsætisráðherrann við því sem hann kallar ímyndar- og sjálfsmyndarstjórnmál og telur viðsjárverða þróun í íslenskum stjórnmálum. „En þegar stjórnmálin snúast um ímynd fremur en málefni breytast þau í leikhús þar sem allt snýst um persónusköpun. Meginmarkmiðið verður þá jafnvel að koma höggi á persónu andstæðingsins fremur en að rökræða málefnin. Á meðan er kerfinu eftirlátið að stjórna,“ skrifar Sigmundur Davíð meðal annars. Í færslu á Facebook-síðu sinni vitnar Björn í þessi orð Sigmundar Davíð og sakar hann um að vera sjálfan einn helsta notanda þessarar ræðutækni á Íslandi. Vitnar Björn meðal annars til „leikhúss“ um leiðréttinguna svonefndu sem hafi bara verið fyrir suma, baráttu Sigmundar Davíðs gegn „vondu kröfuhöfunum“ þegar hann sjálfur var kröfuhafi fallins banks og skýringa á eignum í aflandsfélagi. „Það er ekki verið að höggva að persónu þegar orð og athafnir hennar eru gagnrýnd og hrakin með gögnum og rökum,“ skrifar Björn.Biðst afsökunar á orðbragðinu Sakar Björn formann Miðflokksins um að skilja eftir sig „slóð ósanninda og þvælu í einhverri aumri nauðvörn gagnvart því augljósa“. Það sé ekki persónuárás að benda á það. Vísar þingmaðurinn til Klaustursupptakanna svonefndu þar sem Sigmundur Davíð og nokkrir félagar hans úr Miðflokknum og Flokki fólksins heyrðust hafa uppi gróf ummæli, ekki síst um stjórnmálakonur. „Ef ég næðist á upptöku að tala um Sigmund Davíð sem stjórnmálamann þá myndi ég kalla hann lýðskrumara, óheiðarlegan og orðið fáviti myndi örugglega læðast þar einhversstaðar inn,“ segir Björn. Honum sé ljóst að ekki sé málefnalegt að kalla Sigmund Davíð fávita en hann geri það samt til að reyna að lýsa þeim tilfinningum mínum sem þessi orð hans vekja hjá honum. „Venjulega myndi ég halda því fyrir sjálfan mig af því að ég veit að þetta er ómálefnalegt og ósatt. Auðvitað er hann ekki fáviti. Mér líður samt þannig og mér finnst mikilvægt að fólk viti hvernig mér líður með þetta. Biðst afsökunar á orðbragðinu,“ skrifar Björn. Hér fyrir neðan má lesa færslu Björns Leví Gunnarssonar í heild:„En þegar stjórnmálin snúast um ímynd fremur en málefni breytast þau í leikhús þar sem allt snýst um persónusköpun. Meginmarkmiðið verður þá jafnvel að koma höggi á persónu andstæðingsins fremur en að rökræða málefnin."Segir einn helsti notandi þeirrar ræðutækni á Íslandi í dag.Sjá leikhúsið um leiðréttinguna sem var bara fyrir suma. Sjá leikhúsið um baráttuna gegn vondu kröfuhöfunum þegar hann var sjálfu kröfuhafi. Sjá hvernig hann hunsaði niðurstöðu þjóðaratkvæðagreiðslu um stjórnarskrá. Sjá lygina um ofgreiðslu skatta.Það er ekki verið að höggva að persónu þegar orð og athafnir hennar eru gagnrýnd og hrakin með gögnum og rökum. Leiðréttingin átti að vera almenn en var bara fyrir suma, hún var til dæmis ekki fyrir námsmenn og leigjendur. Hún var ekki fyrir þá sem voru búnir að missa húsnæðið sitt. Baráttan gegn kröfuhöfunum er innantóm þegar þú situr beggja vegna borðsins. Það er spilling. Það kallast ekki að borga of mikla skatta þegar of litlir skattar voru borgaðir þannig að það þarf að leiðrétta það eftir á.Þessi stjórnmálamaður skilur eftir sig slóð ósanninda og þvælu í einhverri aumri nauðvörn gagnvart því augljósa. Það er ekki persónuárás að benda á það. Það er hins vegar verulega aumt að kenna öðrum um eigin vandamál. "Nei þú!" rökræður eru slæmar rökræður ... og eru hérna í boði formanns flokks sem þykist kenna sig við róttæka rökhyggju. Það eina róttæka við hana er að hún er gersamlega röklaus og gegnsýrð af rökvillum og þessum tilraunum til þess að koma "höggi" á aðra sem hann gagnrýnir sjálfur.Hræsni í hnotskurn.Ef ég næðist á upptöku að tala um Sigmund Davíð sem stjórnmálamann þá myndi ég kalla hann lýðskrumara, óheiðarlegan og orðið fáviti myndi örugglega læðast þar einhversstaðar inn. Ég er með ástæður fyrir því að hafa þessa skoðun um Sigmund sem stjórnmálamann. Ég túlka þær ástæður í tilfinningu í einrúmi með þessum orðum en í tilefni atburða undanfarinna mánaða þá finnst mér eðlilegt að deila þeim skoðunum. Vissulega hafa þær áhrif á allt sem ég heyri Sigmund segja, fyrri reynsla hefur áhrif auðvitað, en stundum kemur eitthvað málefnalegt frá honum. Ég tel mig geta greint þar á milli og fordæmi ekki allt sem kemur frá honum. Þegar það kemur að faglegu starfi í þessu stórkostlega furðulega umhverfi sem þingið er þá verður maður að staðaldri að horfa fram hjá skoðunum sínum varðandi aðra þingmenn. Það eru hins vegar mörk. Hjá mér eru þau mörk gagnvart Sigmundi að hleypa honum í völd. Hann kann ekkert með þau að fara.Ég þekki hann ekkert persónulega og hann er örugglega allt öðruvísi en það, ég kann alveg að meta hans innra nörd sem skín í gegn af og til. En sem stjórnmálamaður ... vinsamlegast hættu þessu bulli.Kannski er þetta það sem Sigmundur átti við með "að allir aðrir tala svona líka". Þetta er það næsta sem ég kemst í innihaldi að klaustursupptökunum. Endilega berið það saman við það sem þeir þingmenn höfðu að segja og leggjið eigið mat á samanburðinn.Þessi pistill er í boði þess að mér gersamlega ofbýður þetta leikrit sem Sigmundur býður í sífellu upp á. Mér finnst mikilvægt að kafa eins djúpt niður í þær tilfinningar og ég kemst til þess að sýna það á mannamáli hversu mikið bull mér finnst þetta vera hjá honum. Það er ekki málefnalegt að kalla hann fávita (lýðskrumari og óheiðarlegur sem stjórnmálamaður er rökstyðjanlegt) en ég geri það samt af því að ég er að reyna að lýsa þeim tilfinningum mínum sem þessi orð hans vekja hjá sjálfum mér. Venjulega myndi ég halda því fyrir sjálfan mig af því að ég veit að þetta er ómálefnalegt og ósatt. Auðvitað er hann ekki fáviti. Mér líður samt þannig og mér finnst mikilvægt að fólk viti hvernig mér líður með þetta. Biðst afsökunar á orðbragðinu.“ Alþingi Upptökur á Klaustur bar Mest lesið Læknir í Kópavogi blekkti fjölskyldu sína með lygasögu um krabbamein Innlent Fjöldauppsagnir á Keflavíkurflugvelli Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Fyrrum meðferðarheimili sett á sölu Innlent Fossvogsbrúin sé álíka gáfuleg og að setja göngustíg í Reynisfjöru Innlent Kallar þjóðaröryggisráð saman Innlent Sultuslakir strandaglópar eftir heilsuferð til Split Innlent Sendiherra fannst látinn í miðborg Parísar Erlent Skiptastjóri þurfi að ákveða hvort hann geri kröfu í dótturfélag Play Innlent Fleiri fréttir Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Sjá meira
Björn Leví Gunnarsson, þingmaður Pírata, segir Sigmund Davíð Gunnlaugsson, formann Miðflokksins og fyrrverandi forsætisráðherra, einn helsta notanda þeirrar ræðutækni sem hann sakar aðra um að beita. Telur píratinn að Sigmundur Davíð hafi skilið eftir sig slóð „ósanninda og þvælu“ og kallar hann „fávita“. Tilefni gagnrýni Björns er áramótagrein sem Sigmundur Davíð ritaði í Morgunblaðið. Þar varar fyrrverandi forsætisráðherrann við því sem hann kallar ímyndar- og sjálfsmyndarstjórnmál og telur viðsjárverða þróun í íslenskum stjórnmálum. „En þegar stjórnmálin snúast um ímynd fremur en málefni breytast þau í leikhús þar sem allt snýst um persónusköpun. Meginmarkmiðið verður þá jafnvel að koma höggi á persónu andstæðingsins fremur en að rökræða málefnin. Á meðan er kerfinu eftirlátið að stjórna,“ skrifar Sigmundur Davíð meðal annars. Í færslu á Facebook-síðu sinni vitnar Björn í þessi orð Sigmundar Davíð og sakar hann um að vera sjálfan einn helsta notanda þessarar ræðutækni á Íslandi. Vitnar Björn meðal annars til „leikhúss“ um leiðréttinguna svonefndu sem hafi bara verið fyrir suma, baráttu Sigmundar Davíðs gegn „vondu kröfuhöfunum“ þegar hann sjálfur var kröfuhafi fallins banks og skýringa á eignum í aflandsfélagi. „Það er ekki verið að höggva að persónu þegar orð og athafnir hennar eru gagnrýnd og hrakin með gögnum og rökum,“ skrifar Björn.Biðst afsökunar á orðbragðinu Sakar Björn formann Miðflokksins um að skilja eftir sig „slóð ósanninda og þvælu í einhverri aumri nauðvörn gagnvart því augljósa“. Það sé ekki persónuárás að benda á það. Vísar þingmaðurinn til Klaustursupptakanna svonefndu þar sem Sigmundur Davíð og nokkrir félagar hans úr Miðflokknum og Flokki fólksins heyrðust hafa uppi gróf ummæli, ekki síst um stjórnmálakonur. „Ef ég næðist á upptöku að tala um Sigmund Davíð sem stjórnmálamann þá myndi ég kalla hann lýðskrumara, óheiðarlegan og orðið fáviti myndi örugglega læðast þar einhversstaðar inn,“ segir Björn. Honum sé ljóst að ekki sé málefnalegt að kalla Sigmund Davíð fávita en hann geri það samt til að reyna að lýsa þeim tilfinningum mínum sem þessi orð hans vekja hjá honum. „Venjulega myndi ég halda því fyrir sjálfan mig af því að ég veit að þetta er ómálefnalegt og ósatt. Auðvitað er hann ekki fáviti. Mér líður samt þannig og mér finnst mikilvægt að fólk viti hvernig mér líður með þetta. Biðst afsökunar á orðbragðinu,“ skrifar Björn. Hér fyrir neðan má lesa færslu Björns Leví Gunnarssonar í heild:„En þegar stjórnmálin snúast um ímynd fremur en málefni breytast þau í leikhús þar sem allt snýst um persónusköpun. Meginmarkmiðið verður þá jafnvel að koma höggi á persónu andstæðingsins fremur en að rökræða málefnin."Segir einn helsti notandi þeirrar ræðutækni á Íslandi í dag.Sjá leikhúsið um leiðréttinguna sem var bara fyrir suma. Sjá leikhúsið um baráttuna gegn vondu kröfuhöfunum þegar hann var sjálfu kröfuhafi. Sjá hvernig hann hunsaði niðurstöðu þjóðaratkvæðagreiðslu um stjórnarskrá. Sjá lygina um ofgreiðslu skatta.Það er ekki verið að höggva að persónu þegar orð og athafnir hennar eru gagnrýnd og hrakin með gögnum og rökum. Leiðréttingin átti að vera almenn en var bara fyrir suma, hún var til dæmis ekki fyrir námsmenn og leigjendur. Hún var ekki fyrir þá sem voru búnir að missa húsnæðið sitt. Baráttan gegn kröfuhöfunum er innantóm þegar þú situr beggja vegna borðsins. Það er spilling. Það kallast ekki að borga of mikla skatta þegar of litlir skattar voru borgaðir þannig að það þarf að leiðrétta það eftir á.Þessi stjórnmálamaður skilur eftir sig slóð ósanninda og þvælu í einhverri aumri nauðvörn gagnvart því augljósa. Það er ekki persónuárás að benda á það. Það er hins vegar verulega aumt að kenna öðrum um eigin vandamál. "Nei þú!" rökræður eru slæmar rökræður ... og eru hérna í boði formanns flokks sem þykist kenna sig við róttæka rökhyggju. Það eina róttæka við hana er að hún er gersamlega röklaus og gegnsýrð af rökvillum og þessum tilraunum til þess að koma "höggi" á aðra sem hann gagnrýnir sjálfur.Hræsni í hnotskurn.Ef ég næðist á upptöku að tala um Sigmund Davíð sem stjórnmálamann þá myndi ég kalla hann lýðskrumara, óheiðarlegan og orðið fáviti myndi örugglega læðast þar einhversstaðar inn. Ég er með ástæður fyrir því að hafa þessa skoðun um Sigmund sem stjórnmálamann. Ég túlka þær ástæður í tilfinningu í einrúmi með þessum orðum en í tilefni atburða undanfarinna mánaða þá finnst mér eðlilegt að deila þeim skoðunum. Vissulega hafa þær áhrif á allt sem ég heyri Sigmund segja, fyrri reynsla hefur áhrif auðvitað, en stundum kemur eitthvað málefnalegt frá honum. Ég tel mig geta greint þar á milli og fordæmi ekki allt sem kemur frá honum. Þegar það kemur að faglegu starfi í þessu stórkostlega furðulega umhverfi sem þingið er þá verður maður að staðaldri að horfa fram hjá skoðunum sínum varðandi aðra þingmenn. Það eru hins vegar mörk. Hjá mér eru þau mörk gagnvart Sigmundi að hleypa honum í völd. Hann kann ekkert með þau að fara.Ég þekki hann ekkert persónulega og hann er örugglega allt öðruvísi en það, ég kann alveg að meta hans innra nörd sem skín í gegn af og til. En sem stjórnmálamaður ... vinsamlegast hættu þessu bulli.Kannski er þetta það sem Sigmundur átti við með "að allir aðrir tala svona líka". Þetta er það næsta sem ég kemst í innihaldi að klaustursupptökunum. Endilega berið það saman við það sem þeir þingmenn höfðu að segja og leggjið eigið mat á samanburðinn.Þessi pistill er í boði þess að mér gersamlega ofbýður þetta leikrit sem Sigmundur býður í sífellu upp á. Mér finnst mikilvægt að kafa eins djúpt niður í þær tilfinningar og ég kemst til þess að sýna það á mannamáli hversu mikið bull mér finnst þetta vera hjá honum. Það er ekki málefnalegt að kalla hann fávita (lýðskrumari og óheiðarlegur sem stjórnmálamaður er rökstyðjanlegt) en ég geri það samt af því að ég er að reyna að lýsa þeim tilfinningum mínum sem þessi orð hans vekja hjá sjálfum mér. Venjulega myndi ég halda því fyrir sjálfan mig af því að ég veit að þetta er ómálefnalegt og ósatt. Auðvitað er hann ekki fáviti. Mér líður samt þannig og mér finnst mikilvægt að fólk viti hvernig mér líður með þetta. Biðst afsökunar á orðbragðinu.“
Alþingi Upptökur á Klaustur bar Mest lesið Læknir í Kópavogi blekkti fjölskyldu sína með lygasögu um krabbamein Innlent Fjöldauppsagnir á Keflavíkurflugvelli Innlent Segir herforingjum að búa sig undir átök gegn innlendum „óvinum“ Erlent Tillögum Trumps lýst sem uppgjöf Erlent Fyrrum meðferðarheimili sett á sölu Innlent Fossvogsbrúin sé álíka gáfuleg og að setja göngustíg í Reynisfjöru Innlent Kallar þjóðaröryggisráð saman Innlent Sultuslakir strandaglópar eftir heilsuferð til Split Innlent Sendiherra fannst látinn í miðborg Parísar Erlent Skiptastjóri þurfi að ákveða hvort hann geri kröfu í dótturfélag Play Innlent Fleiri fréttir Þurftu að finna lausn á uppskáldaðri hryðjuverkaárás á Íslandi Fossvogsbrúin sé álíka gáfuleg og að setja göngustíg í Reynisfjöru Ísland land númer 197 Skiptastjóri þurfi að ákveða hvort hann geri kröfu í dótturfélag Play Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Sjá meira