Veiðikynning fyrir unga veiðimenn og veiðikonur

Hver þekkir það ekki að vera byrjandi í veiði og kann lítið og spyr sig, er þetta eitthvað fyrir mig?

Skemmtinefnd SVFR ætlar að bjóða ungum veiðimönnum/konum ( ca. 14-25 ára en auðvitað eru allir velkomnir) til að koma á opið hús þann 31. janúar í húsnæði félagsins við Rafstöðvarveg 14 í Elliðaárdal. Þar munu ungir en samt reyndir aðilar koma og segja sínar sögur af því að vera byrjandi í veiði. Sumir velta fyrir sér hvort þetta sé „sport“ fyrir sig, en yfirleitt er svarið já.

Á þessu kvöldi verða sýndar myndir og myndbönd af þeim veiðifélögum Elíasi Pétri Viðfjörð Þórarinssyni og Guðna Hrafni Péturssyni ( Villimenn ) og einnig munu þeir fara yfir ýmsan veiðibúnað sem þarf til að byrja að veiða. En hvað þarf maður að eiga til þess að geta farið út að veiða? Þessari spurningu og ýmsum öðrum verður reynt að svara á þessu kvöldi. Einnig verður farið yfir þau ársvæði sem SVFR hefur til umráða. Að sjálfsögðu er líka gaman að fá unga og reynda veiðiaðila til að koma og segja sínar reynslusögur. Allt verður þetta á léttu nótunum eins og veiðin er almennt. Aldrei að vita nema að einhverjir fari út með vinning, en til þess þarf viðkomandi að mæta á staðinn. Boðið verður uppá léttar veitingar.