Björn Daníel hetja FH gegn Keflavík

FH vann 1-0 sigur á Keflavík er liðin nættust í riðli eitt í Fótbolta.net mótinu í Reykjaneshöllinni í kvöld.

Markalaust var í fyrri hálfleik en bæði lið fengu heldur betur færin til þess að skora í fyrri hálfleik. Hvorugt náði þó að skora úr góðum færum.

FH hafði svo tögl og hagldir í síðari hálfleik en eina mark leiksins leit dagsins ljós á 55. mínútu. Björn Daníel Sverrisson skoraði þá eftir undirbúning Jónatans Inga og lokatölur 1-0.

FH endar því í þriðja sæti fyrsta riðilsins með fjögur stig en Keflavík endar með núll stig. FH spilar við Grindavík um fimmta sætið en Keflavík spilar við ÍBV um sjöunda sætið.

Byrjunarlið Keflavíkur: Sindri Kristinn Ólafsson, Ísak Óli Ólafsson, Stefán Birgir Jóhannesson, Bojan Stefán Ljubicic, Adam Ægir Pálsson, Magnús Þór Magnússon, Sindri Þór Guðmundsson, Hreggviður Hermannsson, Rúnar Þór Sigurgeirsson, Ingimundur Aron Guðnason, Tómas Óskarsson.

Byrjunarlið FH: Daði Freyr Arnarsson, Davíð Þór VIðarsson, Cedric D'Ulivo, Hjörtur Logi Valgarðsson, Björn Daníel Sverrisson, Jónatan Ingi Jónsson, Atli Guðnason, Jákup Thomsen, Guðmann Þórisson, Brynjar Ásgeir Guðmundsson, Þórir Jóhann Helgason.