KR rúllaði yfir Njarðvík í síðari hálfleik

KR setti í fluggírinn í síðari hálfleik gegn Inkasso-deildarliði Njarðvíkur er liðin mættust í Reykjaneshöllinni í Lengjubikarnum í kvöld.

Staðan var markalaus í hálfleik en Tobias Thomsen kom KR yfir eftir klukkutíma leik. Pablo Punyed kom svo KR í 2-0 átta mínútum fyrir leikslok.

KR-ingar bættu við tveimur mörkum áður en yfir lauk en fyrra markið gerði Finnur Orri Margeirsson og lokatölur 4-0. KR nýkomið heim úr æfingarferð frá Flórída og hafa greinilega nýtt ferðina vel.

KR er með sex stig eftir fyrstu tvær umferðirnar í riðli tvö í Lengjubikarnum en Njarðvik er með fjögur stig eftir þrjá leiki.

Úrslit og markaskorarar eru fengnir frá úrslit.net.