Framkvæmdir við nýja gervigrasvelli hjá Víkingi og Breiðabliki ganga vel. Völlurinn hjá Blikum á að vera klár í byrjun maí en hjá Víkingum mánuði síðar.
Strax eftir síðasta tímabil hófust framkvæmdir við Kópavogsvöll og Eysteinn Pétur Lárusson, framkvæmdarstjóri Blika, vonast eftir að skilin verði á réttum tíma.
Eysteinn vonast eftir að völlurinn verði klár er Breiðablik fær einmitt Víking í heimsókn þann ellefta maí, á afmælisdegi Kópavogsbæjar. Breiðablik byrjar Pepsi Max-deildina á tveimur útileikjum.
Völlurinn í Víkinni verður væntanlega tilbúinn örlítið síðar eða um miðjan júnímánuð en framkvæmdir þar hófust í febrúar. Benedikt Sveinsson, verkefnastjóri, segir verkefnið ganga vel enda veðrið verið hagstætt.
Alla fréttina úr kvöldfréttum Stöðvar 2 má sjá hér að ofan.
Víkingur R.
KR
