Réttast að setja þjóðina alla á ketó Þórarinn Þórarinsson skrifar 13. mars 2019 16:00 Guðfinna Jóhanna Guðmundsdóttir fagnar fimmtíu ára afmæli sínu eftir mánuð og ætlar þá að vera tíu kílóum léttari en í fyrra. Helmingurinn af þeim er farinn og restin verður ekkert mál á ketó. Fréttablaðið/Anton Brink Guðfinna Jóhanna Guðmundsdóttir, lögmaður og fyrrverandi borgarfulltrúi, ætlar að ná þremur markmiðum fyrir fimmtugt. Þar á meðal ætlar hún að léttast um tíu kíló og til þess að ná því örugglega ákvað hún að reyna ketó-lífsstílinn, sem hefur heltekið þjóðina undanfarið. „Ég verð fimmtug eftir mánuð og fyrir ári síðan ákvað ég að ná þremur markmiðum fyrir afmælið. Í fyrsta lagi ætlaði ég að safna hári. Það hefur tekist. Ég ætlaði líka að koma mér í form og það gengur ágætlega og síðan ætlaði ég að missa tíu kíló,“ segir Guðfinna Jóhanna. „Það hefur ekki alveg gengið þannig að þegar það voru átta vikur í afmælið ákvað ég að prófa bara þetta ketó. Það hlyti að virka.“ Og sú er raunin en á þremur ketó-vikum eru fimm kíló farin og enn eru fjórar vikur til stefnu. „Ég var með ákveðna fordóma gagnvart ketó vegna þess að ég leit bara á þetta eins og hvern annan megrunarkúr,“ segir Jóhanna Guðfinna sem er búin að vera á ketó í þrjár vikur og hefur heldur betur skipt um skoðun.Ekkert kjöt í áratugi „Ég sá líka bara beikon fyrir mér og þar sem ég hef ekki borðað kjöt í 33 ár fannst mér þetta ekki vera neitt fyrir mig en þetta hefur bara gengið rosalega vel og þetta er miklu einfaldara en ég hélt,“ segir Guðfinna og bætir við að stór kostur sé hversu saddur maður verði á ketó-mataræðinu. „Vegna þess að þetta er svo mikil fita sem ég borða, aðallega lax, osta, egg, majónes og rjóma.“ Kjöt er líklega undirstaðan í ketó hjá flestum en Guðfinna leggur sé slíkt ekki til munns og hefur ekki gert í rúma þrjá áratugi. „Ég borða alveg mjólkurvörur, fisk og egg en ekki kjöt og hef ekki gert það síðan ég var sextán ára. Þá var ég að vinna á hamborgarastað og fékk bara ógeð á kjöti fyrir lífstíð. Mig hefur aldrei langað í kjöt síðan þá. Þetta er samt svolítið einhæft sem ég er búin að vera að borða síðustu þrjár vikurnar þannig að ég þarf að fara að læra fleiri uppskriftir en ég tók þetta bara með því hugarfari að þetta ætti að vera skemmtilegt og að ég ætlaði að hafa gaman af þessu.“ Þjóðina á ketó! „Ég ákvað að ná þessum tíu kílóum af mér og að ég yrði á ketó þangað til. Svo getur bara vel verið að mér finnist þetta svo frábært að ég ákveði bara að halda þessu áfram,“ segir Guðfinna sem var fljót að laga sig að breyttum lífsstíl. „Fyrstu dagarnir fara í smá heilaþoku en svo verður maður bara rosalega orkumikill. Vegna þess að maður borðar miklu minna og þá líður manni miklu betur en þegar maður er einhvern veginn alltaf að hrúga í sig sykri, Snickers og einhverju þannig, allan daginn. Þetta er bara frábært. Það á bara að setja íslensku þjóðina, sem er orðin allt of þung, á ketó í nokkra mánuði,“ segir Guðfinna og hlær. Eins og víða sjást merki í samfélaginu breiðist ketó hratt út þannig að Svanur Guðmundsson, eiginmaður Guðfinnu Jóhönnu, er að sjálfsögðu komin á ketó með frúnni. „Jájá, hann er líka kominn á ketó og bara búinn að léttast helling en hann borðar auðvitað kjöt með þessu þannig að við erum kannski ekki alveg á sama fæðinu,“ segir Guðfinna sem stefnir á frekari ketó-tilraunir og þá um leið meiri fjölbreytni.Gaman í eldhúsinu Guðfinna hefur orðið vör við fleiri og ekki síður ánægjulegri aukaverkanir af ketóinu en það sem kom henni einna mest á óvart er að það er bara alls ekkert svo leiðinlegt að sýsla í eldhúsinu, elda, baka og prufa nýjar uppskriftir. „Ég hef aldrei verið neitt sérstaklega mikið fyrir að vera í eldhúsinu og það kemur í rauninni á óvart að ég er búin að vera þar meira síðustu þrjár vikurnar en ég hef verið áður og það sem kemur mest á óvart er að það er bara ekkert svo leiðinlegt að elda og baka.“ Guðfinna segist áður aðeins hafa kunnað að gera tvær tegundir af kökum; Kornflexköku, sem hún lærði af Stundinni okkar sem krakki, og franska súkkulaðiköku sem hún lærði að baka fyrir tíu árum. Nú sé hún komin á kaf í alls konar ketóköku-tilraunir og styðjist bæði við íslensku ketó-bókina auk þess sem hún gúgli mikið í leit að spennandi uppskriftum. „Þetta hefur reyndar gengið misvel,“ segir Guðfinna en þegar hún fari eftir uppskriftum sé ekki yfir neinu að kvarta. Hvort hún muni bjóða upp á ketó-afmælistertu, tíu kílóum léttari, skal ósagt látið en takmarkinu mun hún ná. „Nú á ég mánuð eftir þangað til það kemur að fimmtugsafmælinu og það er ekki spurning að þessi tíu kíló verða farin. Ég tek þetta bara á lokametrunum. Það eru farin um fimm kíló þannig að þetta mun takast. Ég hef engar áhyggjur af því. Svo eru bara göngutúrar og ræktin með þessu.“ thorarinn@frettabladid.is Birtist í Fréttablaðinu Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira
Guðfinna Jóhanna Guðmundsdóttir, lögmaður og fyrrverandi borgarfulltrúi, ætlar að ná þremur markmiðum fyrir fimmtugt. Þar á meðal ætlar hún að léttast um tíu kíló og til þess að ná því örugglega ákvað hún að reyna ketó-lífsstílinn, sem hefur heltekið þjóðina undanfarið. „Ég verð fimmtug eftir mánuð og fyrir ári síðan ákvað ég að ná þremur markmiðum fyrir afmælið. Í fyrsta lagi ætlaði ég að safna hári. Það hefur tekist. Ég ætlaði líka að koma mér í form og það gengur ágætlega og síðan ætlaði ég að missa tíu kíló,“ segir Guðfinna Jóhanna. „Það hefur ekki alveg gengið þannig að þegar það voru átta vikur í afmælið ákvað ég að prófa bara þetta ketó. Það hlyti að virka.“ Og sú er raunin en á þremur ketó-vikum eru fimm kíló farin og enn eru fjórar vikur til stefnu. „Ég var með ákveðna fordóma gagnvart ketó vegna þess að ég leit bara á þetta eins og hvern annan megrunarkúr,“ segir Jóhanna Guðfinna sem er búin að vera á ketó í þrjár vikur og hefur heldur betur skipt um skoðun.Ekkert kjöt í áratugi „Ég sá líka bara beikon fyrir mér og þar sem ég hef ekki borðað kjöt í 33 ár fannst mér þetta ekki vera neitt fyrir mig en þetta hefur bara gengið rosalega vel og þetta er miklu einfaldara en ég hélt,“ segir Guðfinna og bætir við að stór kostur sé hversu saddur maður verði á ketó-mataræðinu. „Vegna þess að þetta er svo mikil fita sem ég borða, aðallega lax, osta, egg, majónes og rjóma.“ Kjöt er líklega undirstaðan í ketó hjá flestum en Guðfinna leggur sé slíkt ekki til munns og hefur ekki gert í rúma þrjá áratugi. „Ég borða alveg mjólkurvörur, fisk og egg en ekki kjöt og hef ekki gert það síðan ég var sextán ára. Þá var ég að vinna á hamborgarastað og fékk bara ógeð á kjöti fyrir lífstíð. Mig hefur aldrei langað í kjöt síðan þá. Þetta er samt svolítið einhæft sem ég er búin að vera að borða síðustu þrjár vikurnar þannig að ég þarf að fara að læra fleiri uppskriftir en ég tók þetta bara með því hugarfari að þetta ætti að vera skemmtilegt og að ég ætlaði að hafa gaman af þessu.“ Þjóðina á ketó! „Ég ákvað að ná þessum tíu kílóum af mér og að ég yrði á ketó þangað til. Svo getur bara vel verið að mér finnist þetta svo frábært að ég ákveði bara að halda þessu áfram,“ segir Guðfinna sem var fljót að laga sig að breyttum lífsstíl. „Fyrstu dagarnir fara í smá heilaþoku en svo verður maður bara rosalega orkumikill. Vegna þess að maður borðar miklu minna og þá líður manni miklu betur en þegar maður er einhvern veginn alltaf að hrúga í sig sykri, Snickers og einhverju þannig, allan daginn. Þetta er bara frábært. Það á bara að setja íslensku þjóðina, sem er orðin allt of þung, á ketó í nokkra mánuði,“ segir Guðfinna og hlær. Eins og víða sjást merki í samfélaginu breiðist ketó hratt út þannig að Svanur Guðmundsson, eiginmaður Guðfinnu Jóhönnu, er að sjálfsögðu komin á ketó með frúnni. „Jájá, hann er líka kominn á ketó og bara búinn að léttast helling en hann borðar auðvitað kjöt með þessu þannig að við erum kannski ekki alveg á sama fæðinu,“ segir Guðfinna sem stefnir á frekari ketó-tilraunir og þá um leið meiri fjölbreytni.Gaman í eldhúsinu Guðfinna hefur orðið vör við fleiri og ekki síður ánægjulegri aukaverkanir af ketóinu en það sem kom henni einna mest á óvart er að það er bara alls ekkert svo leiðinlegt að sýsla í eldhúsinu, elda, baka og prufa nýjar uppskriftir. „Ég hef aldrei verið neitt sérstaklega mikið fyrir að vera í eldhúsinu og það kemur í rauninni á óvart að ég er búin að vera þar meira síðustu þrjár vikurnar en ég hef verið áður og það sem kemur mest á óvart er að það er bara ekkert svo leiðinlegt að elda og baka.“ Guðfinna segist áður aðeins hafa kunnað að gera tvær tegundir af kökum; Kornflexköku, sem hún lærði af Stundinni okkar sem krakki, og franska súkkulaðiköku sem hún lærði að baka fyrir tíu árum. Nú sé hún komin á kaf í alls konar ketóköku-tilraunir og styðjist bæði við íslensku ketó-bókina auk þess sem hún gúgli mikið í leit að spennandi uppskriftum. „Þetta hefur reyndar gengið misvel,“ segir Guðfinna en þegar hún fari eftir uppskriftum sé ekki yfir neinu að kvarta. Hvort hún muni bjóða upp á ketó-afmælistertu, tíu kílóum léttari, skal ósagt látið en takmarkinu mun hún ná. „Nú á ég mánuð eftir þangað til það kemur að fimmtugsafmælinu og það er ekki spurning að þessi tíu kíló verða farin. Ég tek þetta bara á lokametrunum. Það eru farin um fimm kíló þannig að þetta mun takast. Ég hef engar áhyggjur af því. Svo eru bara göngutúrar og ræktin með þessu.“ thorarinn@frettabladid.is
Birtist í Fréttablaðinu Mest lesið Galopnar sig og segist ætla að breyta hlutunum Lífið Freðinn faðir, fáránlegir fasistar og fyrsta flokks bíó Gagnrýni Baunar á kókaða söngkonu fyrir baktal Tónlist „Ákvað að skilja hana eftir þar og athuga hversu langt ég kæmist“ Lífið Óöruggur eftir að kærastan stundaði hópkynlíf erlendis Lífið Skilin að borði og sæng eftir 28 ára hjónaband Lífið Útbjó lágkolvetna prógram fyrir systur sína sem léttist strax og fékk meiri orku Lífið „Rétturinn sem fjölskyldan þín mun elska og biðja um aftur og aftur“ Lífið Frumsýning á Vísi: Iceguys trylla þjóðina enn og aftur í nýju myndbandi Tónlist Markmiðið að græða ekkert og „helst tapa pening“ Menning Fleiri fréttir Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Flugfreyja, íþróttakona og ráðherra breyttu leiknum „Ákvað að skilja hana eftir þar og athuga hversu langt ég kæmist“ „Gætum orðið fyrsta þjóð í heimi til að útrýma leghálskrabbameini“ „Rétturinn sem fjölskyldan þín mun elska og biðja um aftur og aftur“ Keeping Up Appearances-leikkona látin Auðveldara að tengjast fólki í eigin persónu Galopnar sig og segist ætla að breyta hlutunum Heimatilbúið „corny“ Skilin að borði og sæng eftir 28 ára hjónaband Framlag Kenýu til Óskarsverðlaunanna til sýnis á Ísafirði Keith sagður kominn með nýja kærustu Það var bannað að hlæja á Kjarval Eitt rými sem má alls ekki mynda í Alþingishúsinu Centro-hjónin selja Beverly Hills-villuna Ástarsenur í viku tvö með stórleikaranum Segir spjallmenni Meta herja kynferðislega á börn „Rúrik Gíslason hefur sagt hæ við mig“ Jafet Máni selur íbúð með ræktarsal „Þarf ekkert að klífa Everest til að finnast ég einhvers virði“ Ertu sauður? Fimm ráð sem geta forðað þér frá hjarðhegðun Óöruggur eftir að kærastan stundaði hópkynlíf erlendis Samhengið með Sif: „Það má blanda saman hámenningu og dægurmenningu“ Hefðbundið ítalskt „Pesto Alla Genovese“ Úrslitaspurningin var um letigarð „Amma mín, ert þú nokkuð dáin?“ Ómar Örn og Nanna selja á eftirsóttum stað í miðbænum Í miðjum tökum kom í ljós að Ragnhildur og Halldór voru náskyld Kókaínklásúla í kaupmálanum tryggir Keith rúman milljarð Sjá meira