Atli Sigurjóns sló á létta strengi eftir að Valur staðfesti komu Hannesar

Hannes Þór Halldórsson var staðfestur sem leikmaður Vals í gær en hann snýr nú aftur í íslenska boltann eftir margra ára atvinnumennsku.

Atli Sigurjónsson, leikmaður KR, ákvað að slá á létta strengi eftir að Valur staðfesti að Hannes væri genginn í raðir Vals og birti þessa mynd á Twitter-síðu sinni.

#10YearChallengepic.twitter.com/CzI0xhGV2j

— Atli Sigurjónsson (@AtliSigurjons) April 9, 2019

Fyrri myndin er af Atla og Hannesi ásamt Baldri Sigurðssyni, Gary Martin og Bjarna Guðjónssyni. Á síðari myndinni er búið að setja ákveðið merki fyrir höfuð Gary og Hannes en þeir leika nú báðir með grönnunum í  Val.

Atli alltaf léttur en það styttist heldur betur í að flautað verði til leiks í Pepsi Max-deild karla en hún hefst með leik Vals og Víkings þann 26. apríl.