Seinni bylgjan: Logi ekki sammála valinu á tilþrifum tímabilsins

Uppgjörsþáttur Seinni bylgjunnar var á dagskrá Stöðvar 2 Sport í gær.

Þar var farið yfir tímabilið í Olís-deildunum í handbolta, verðlaun voru veitt og góðir gestir komu í settið.

Hin ýmsu samantektarmyndbönd voru sýnd, m.a. með bestu viðtölunum, bestu Barbasinsky skotunum, verstu sendingunum og svo mætti lengi telja.

Þá var farið yfir tíu bestu tilþrif tímabilsins en þau má sjá í spilaranum hér fyrir ofan.

Logi Geirsson var ekki sammála valinu og taldi FH-inginn Jóhann Birgi Ingvarsson hafa átt bestu tilþrif tímabilsins.