Myndasyrpa: Enn einn bikarinn á loft á Hlíðarenda

Valskonur fengu deildarmeistarabikarinn afhentan eftir leikinn gegn Fram í lokaumferð Olís-deildar kvenna í gær.

Valur tryggði sér deildarmeistaratitilinn annað árið í röð í næstsíðustu umferð deildarkeppninnar. Það skipti því engu að Fram vann leikinn í gær, 23-27.

Valur varð einnig bikarmeistari í síðasta mánuði og á því möguleika á að vinna þrefalt í ár.

Daníel Þór Ágústsson, ljósmyndari Vísis, var á Hlíðarenda í gær og tók myndirnar sem má sjá hér fyrir ofan og neðan.

Úrslitakeppnin í Olís-deild kvenna hefst um helgina. Þar mætast annars vegar Valur og Haukar og hins vegar Fram og ÍBV.