Innlent

Fylgjast með veikum hrossum

Kjartan Hreinn Njálsson skrifar
Einkenni veikindanna minna á hitasótt annars vegar og smitandi hósta hins vegar en MAST fylgist grant með veikindum hrossanna.
Einkenni veikindanna minna á hitasótt annars vegar og smitandi hósta hins vegar en MAST fylgist grant með veikindum hrossanna. Fréttablaðið/Anton

Matvælastofnun fylgist nú náið með veikindum í hrossum sem komið hafa upp á höfuðborgarsvæðinu, á Suðurlandi og á Vesturlandi. Einkenni veikindanna minna á hitasótt annars vegar og smitandi hósta hins vegar.

Í tilkynningu frá stofnuninni segir að flest bendi til að smitefni sem urðu landlæg hér á landi í kjölfar faraldra árin 1998 og 2010 séu að minna á sig.

Hestarnir verða alla jafna ekki alvarlega veikir en fylgjast þarf með þeim og kalla til dýralækni ef líkamshiti mælist hærri en 38,5 gráður.

Birtist í Fréttablaðinu Dýr Dýraheilbrigði

Mest lesið


Fleiri fréttir

Sjá meira


×

Mest lesið