Viktor Jónsson, framherji ÍA, var fluttur burt af Fylkisvellinum í gær í sjúkrabíl og nú hefur verið staðfest að hann er kinnbeinsbrotinn.
Jóhannes Karl Guðjónsson, þjálfari ÍA, staðfestir í samtali við mbl.is að að myndataka hafi leitt í ljós að framherjinn væri kinnbeinsbrotinn.
Viktor lenti í árekstri við Fylkismanninn Ásgeir Eyþórsson og ekki útilokað að hann hafi sömuleiðis fengið heilahristing. Þjálfarinn reiknar með því að það verði útbúin andlitsgríma fyrir Viktor sem hann geti spilað með er hann verður tilbúinn að snúa aftur út á völlinn.
Leikur liðanna endaði með 2-2 jafntefli.
Viktor kinnbeinsbrotnaði gegn Fylki
Tengdar fréttir
Umfjöllun, viðtöl og einkunnir: Fylkir - ÍA 2-2 | Dramatískt jöfnunarmark bjargaði stigi fyrir ÍA
Tvö efstu lið Pepsi Max-deildar karla mættust í kvöld og skildu jöfn í skemmtilegum leik.
Viktor fluttur á sjúkrahús
Framherji ÍA meiddist á höfði undir lok leiksins gegn Fylki í kvöld.
