Kári er í forréttindastarfi Kolbrún Bergþórsdóttir skrifar 28. júní 2019 09:00 Kárið við hrútinn góða á Hellissandi. Fréttablaðið/Stefán Kári Viðarsson leikari, leikhússtjóri, stofnandi og eigandi Frystiklefans í Rifi á Snæfellsnesi situr ekki auðum höndum í sumar enda segir hann að einna mest sé að gera á sumrin. „Í júlí og ágúst er dagskrá í Frystiklefanum á hverjum degi. Í júlí verða sýningar á leikriti sem frumsýnt var fyrir stuttu og heitir Ókunnugur. Við Gréta Ómarsdóttir, sem leikstýrir, sömdum verkið í samstarfi við Kvennaathvarfið og að þeirra frumkvæði. Verkið fjallar um ofbeldi í nánum samböndum út frá mörgum mismunandi vinklum.“ Verkið er einleikur og Kári fer þar með hlutverk nokkurra persóna. „Í verkinu er verið að vinna með táknmyndir frekar en þrívíða karaktera og spurt er margra spurninga án þess að vera endilega í leit að svörum. Okkur langaði að gera verk sem myndi stuðla að samtali við almenning um þessi mál á manneskjulegan hátt, án þess að fara út í fordæmingu og skrímslavæðingu.“Þetta virkar Margs konar önnur verkefni eru í húsinu. „Þarna eru tónleikar, bæði með íslenskum og erlendum tónlistarmönnum. Einnig verða sýndar myndir sem hafa verið sýndar á Northern Wave Film Festival, kvikmyndahátíð sem við höldum einu sinni á ári og verður næst haldin í október. Í júlí og ágúst tökum við svo á móti alls konar listamönnum, dönsurum og sirkuslistamönnum.“ Dagskrá Frystiklefans má finna á frystiklefinn.is. Kári segir aðsóknina að viðburðum í Frystiklefanum vera afar góða. „Fólk kemur í leikhúsið alls staðar að, bæði úr plássum hér á Vesturlandi og annars staðar að af landinu. Útlendingar eru mjög duglegir að mæta, enda er víða á netinu og í auglýsingabæklingum mælt með því að ferðamenn komi og sjái það sem hér er verið að gera. Það er ótrúlegt en satt, en þetta virkar.“Segulstál fyrir ferðamenn Kári hefur rekið Frystiklefann í tæp tíu ár. „Allt byrjaði þetta með einni leiksýningu sem hét Hetja og var byggð á Bárðar sögu Snæfellsáss. Hún gekk ótrúlega vel og ég náði að leika hana fyrir vestan í hundrað skipti. Þá áttaði ég mig á því að það væri ekkert vitlaust að vera hérna og vinna að minni list á heimavelli. Svo fór ég út í annars konar listræn verkefni og samfélagsverkefni innan Snæfellsbæjar. Ég er að vinna með eldri borgurum og við sem vinnum í Frystiklefanum förum einu sinni í viku á dvalarheimilið og erum með dagskrá þar. Við bjóðum líka upp á ókeypis dansnámskeið fyrir krakkana í bænum. Götulistahátíð er haldin með tveggja ára millibili og það ár sem hún er ekki er haldin tónlistarhátíð. Blaðamaður hitti Kára á Hellissandi og þar blasa víðsvegar við myndskreyttir veggir. „Þessir myndskreyttu veggir eru sprottnir út frá hugmynd sem ég fékk í fyrra og hrinti af stað. Þáttur í því var að breyta Gamla frystihúsinu á Hellissandi í útilistagallerí með þjóðlegum tilvísunum. Listamenn alls staðar að úr heiminum mættu á svæðið og unnu úr þessari hugmynd. Tíu listamenn komu hingað í fyrra og skreyttu einnig veggi í gömlu slökkvistöðinni og breyttu fleiri veggjum í þorpinu í listaverk. Það eru komin um 50 vegglistaverk á Hellissandi. Íbúarnir eru mjög ánægðir og finnst gaman að bærinn fái andlitslyftingu. Fyrir vikið er Hellissandur orðinn að segulstáli fyrir ferðamenn. Við sáum þetta sérstaklega eftir að við gerðum stóra mynda af hrúti á vegg við íþróttahúsið. Fleiri hundruð ferðamenn keyra hérna inn á hverjum degi til að stoppa og virða hrútinn fyrir sér.“ Kári segist ótrauður ætla að halda áfram starfi sínu í Rifi. „Ég er í forréttindastarfi og get valið mér gefandi verkefni. Meðan þetta gengur svona vel sé ég ekki tilgang í að hætta.“ Birtist í Fréttablaðinu Leikhús Menning Snæfellsbær Mest lesið Rýnt í stöðuna í Úkraínu: Friður enn fjarlægur og Trump missir móðinn Erlent Skólamál í Kópavogi: Bókun eftir bókun á fundi bæjarstjórnar Innlent Hafna „órökstuddum fullyrðingum“ Sigurðar Inga Innlent Hafði ritað „Breivik“ og „Drepið Trump“ á skotvopnin Erlent Sé hægt að gera byltingu í íslensku heilbrigðiskerfi Innlent Menningarráðherra skipaði son heilbrigðisráðherra í formannsstörf Innlent Játning á borðinu í umfangsmestu þjófnuðum seinni tíma Innlent Glímdi við veikindi fyrir andlátið sem breyttu persónuleika hans Innlent Gátu ekki opnað hraðbankann þrátt fyrir ítrekaðar tilraunir Innlent Innbrot og menn til ama á útivistarsvæði Innlent Fleiri fréttir Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Sjá meira
Kári Viðarsson leikari, leikhússtjóri, stofnandi og eigandi Frystiklefans í Rifi á Snæfellsnesi situr ekki auðum höndum í sumar enda segir hann að einna mest sé að gera á sumrin. „Í júlí og ágúst er dagskrá í Frystiklefanum á hverjum degi. Í júlí verða sýningar á leikriti sem frumsýnt var fyrir stuttu og heitir Ókunnugur. Við Gréta Ómarsdóttir, sem leikstýrir, sömdum verkið í samstarfi við Kvennaathvarfið og að þeirra frumkvæði. Verkið fjallar um ofbeldi í nánum samböndum út frá mörgum mismunandi vinklum.“ Verkið er einleikur og Kári fer þar með hlutverk nokkurra persóna. „Í verkinu er verið að vinna með táknmyndir frekar en þrívíða karaktera og spurt er margra spurninga án þess að vera endilega í leit að svörum. Okkur langaði að gera verk sem myndi stuðla að samtali við almenning um þessi mál á manneskjulegan hátt, án þess að fara út í fordæmingu og skrímslavæðingu.“Þetta virkar Margs konar önnur verkefni eru í húsinu. „Þarna eru tónleikar, bæði með íslenskum og erlendum tónlistarmönnum. Einnig verða sýndar myndir sem hafa verið sýndar á Northern Wave Film Festival, kvikmyndahátíð sem við höldum einu sinni á ári og verður næst haldin í október. Í júlí og ágúst tökum við svo á móti alls konar listamönnum, dönsurum og sirkuslistamönnum.“ Dagskrá Frystiklefans má finna á frystiklefinn.is. Kári segir aðsóknina að viðburðum í Frystiklefanum vera afar góða. „Fólk kemur í leikhúsið alls staðar að, bæði úr plássum hér á Vesturlandi og annars staðar að af landinu. Útlendingar eru mjög duglegir að mæta, enda er víða á netinu og í auglýsingabæklingum mælt með því að ferðamenn komi og sjái það sem hér er verið að gera. Það er ótrúlegt en satt, en þetta virkar.“Segulstál fyrir ferðamenn Kári hefur rekið Frystiklefann í tæp tíu ár. „Allt byrjaði þetta með einni leiksýningu sem hét Hetja og var byggð á Bárðar sögu Snæfellsáss. Hún gekk ótrúlega vel og ég náði að leika hana fyrir vestan í hundrað skipti. Þá áttaði ég mig á því að það væri ekkert vitlaust að vera hérna og vinna að minni list á heimavelli. Svo fór ég út í annars konar listræn verkefni og samfélagsverkefni innan Snæfellsbæjar. Ég er að vinna með eldri borgurum og við sem vinnum í Frystiklefanum förum einu sinni í viku á dvalarheimilið og erum með dagskrá þar. Við bjóðum líka upp á ókeypis dansnámskeið fyrir krakkana í bænum. Götulistahátíð er haldin með tveggja ára millibili og það ár sem hún er ekki er haldin tónlistarhátíð. Blaðamaður hitti Kára á Hellissandi og þar blasa víðsvegar við myndskreyttir veggir. „Þessir myndskreyttu veggir eru sprottnir út frá hugmynd sem ég fékk í fyrra og hrinti af stað. Þáttur í því var að breyta Gamla frystihúsinu á Hellissandi í útilistagallerí með þjóðlegum tilvísunum. Listamenn alls staðar að úr heiminum mættu á svæðið og unnu úr þessari hugmynd. Tíu listamenn komu hingað í fyrra og skreyttu einnig veggi í gömlu slökkvistöðinni og breyttu fleiri veggjum í þorpinu í listaverk. Það eru komin um 50 vegglistaverk á Hellissandi. Íbúarnir eru mjög ánægðir og finnst gaman að bærinn fái andlitslyftingu. Fyrir vikið er Hellissandur orðinn að segulstáli fyrir ferðamenn. Við sáum þetta sérstaklega eftir að við gerðum stóra mynda af hrúti á vegg við íþróttahúsið. Fleiri hundruð ferðamenn keyra hérna inn á hverjum degi til að stoppa og virða hrútinn fyrir sér.“ Kári segist ótrauður ætla að halda áfram starfi sínu í Rifi. „Ég er í forréttindastarfi og get valið mér gefandi verkefni. Meðan þetta gengur svona vel sé ég ekki tilgang í að hætta.“
Birtist í Fréttablaðinu Leikhús Menning Snæfellsbær Mest lesið Rýnt í stöðuna í Úkraínu: Friður enn fjarlægur og Trump missir móðinn Erlent Skólamál í Kópavogi: Bókun eftir bókun á fundi bæjarstjórnar Innlent Hafna „órökstuddum fullyrðingum“ Sigurðar Inga Innlent Hafði ritað „Breivik“ og „Drepið Trump“ á skotvopnin Erlent Sé hægt að gera byltingu í íslensku heilbrigðiskerfi Innlent Menningarráðherra skipaði son heilbrigðisráðherra í formannsstörf Innlent Játning á borðinu í umfangsmestu þjófnuðum seinni tíma Innlent Glímdi við veikindi fyrir andlátið sem breyttu persónuleika hans Innlent Gátu ekki opnað hraðbankann þrátt fyrir ítrekaðar tilraunir Innlent Innbrot og menn til ama á útivistarsvæði Innlent Fleiri fréttir Þvættuðu milljarða af illa fenginni rafmynt á Íslandi Játning á borðinu í umfangsmestu þjófnuðum seinni tíma Innbrot og menn til ama á útivistarsvæði Sé hægt að gera byltingu í íslensku heilbrigðiskerfi Skólamál í Kópavogi: Bókun eftir bókun á fundi bæjarstjórnar Hafna „órökstuddum fullyrðingum“ Sigurðar Inga Þyrlan kölluð út vegna slasaðs manns í Gemludal Menningarráðherra skipaði son heilbrigðisráðherra í formannsstörf Vara við svikapóstum í þeirra nafni Bylting framundan en Landspítalinn þurfi að hlaupa hraðar Faðir plokksins kenndi ráðherra að plokka Gátu ekki opnað hraðbankann þrátt fyrir ítrekaðar tilraunir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Sjá meira